دموع الورد

الخميس، 3 سبتمبر 2009

السبت، 22 أغسطس 2009

الاثنين، 17 أغسطس 2009

تلميذه غبيه

42 التعليقات مرسلة بواسطة ديالا في 8:25 م

ليه بجد مابتتعلميش



ليه في قلبك مابتتحكميش





ليه شايفه الدنيا كده بعيون بريئه



وفي الاخر بتكوني في بحر الحياه انتي الغريقه





لسه مستنيه ايه؟



جرح تاني ولا ايه؟



عايزه الدموع تاني في سكتك؟



ولا الالم يجرح وحدتك؟



عايزاكي من الجرح بقي تتعلمي



وتفوقي لنفسك وابدأي تاني احلمي



سيبك بقي من الخضوع



دي سكتك دي مفهاش رجوع



شوفيني انا عملت ايه



حتي الوجع قدرت ايه



فضلت ضعيفه وجالي يوم



لقيت نفسي بنهار من الهموم



وفي يوم قررت افوق



وسبت تحت وطلعت فوق



سبت الجرح والالم ورايا



خدت ضحكتي والامل معايا




وحياتي خلاص بقت تمام

لما سبتها علي رب الانام

ارجوكي من جرحي وجرحك اتعلمي

عشان ميجيش يوم علي بكره وتندمي

صدقني اتعلمي وخليكي قويه

عشان ميجيش اليوم وتبقي تلميذه غبيه

 

السبت، 15 أغسطس 2009

البقاء لله يامصعب

28 التعليقات مرسلة بواسطة ديالا في 6:08 م

انتقل الي رحمه الله تعالي والد المدون العزيز

مصعب صلاح

وندعو الله سبحانه وتعالي ان يجعل مثواه الجنه

وادعو الله سبحانه وتعالي

ان يصبر اهله وابنائه

والبقاء لله يامصعب

ولكن هذه امانه وصاحب الامانه اخذها

وعزائنا الوحيد انه مات في ايام جميله

اللهم اجعل مثواه الجنه واغفرله

والبقاء لله

 

التسميات: كتبتها:ديالا

الخميس، 13 أغسطس 2009

الاثنين، 10 أغسطس 2009

الاثنين، 3 أغسطس 2009

هضحك

54 التعليقات مرسلة بواسطة ديالا في 7:44 م

هضحك عمري ماهزعل تاني





هفرح والدنيا معنداني





هو انا غاويه جراح وخلاص





ان عايزه افرح زي الناس





بس انا فاكره مره ضحكت زمااااان





بس الفرح كمان كمان بكاني



ساعات بلاقي الدنيا حلوه



وكل حاجه بشوفها حلوه



وفي لحظه بفتكر الي راح



دموعي تنزل غصب عني



وقلبي يصرخ جوه مني



تعبت اغني علي الجراااااااح



هو انا غاويه جراح وخلاص



انا عايزه افرح زي الناس



بس انا فاكره زمااااااااااان فرحت



بس الفرح كمان بكاني



هضحك عمري ماهزعل تاني



هفرح والدنيا معنداني





عجبتني اوي الاغنيه دي



سمعتها اوي وحسيتها اوي



بس بامانه مش عارفه مين الي كاتبها او الي بيغنيها





بس فعلا حسيت بيها



حسيت اني لازم اضحك



لان البكاء مش هيفيد باي حاجه



اضحك واتمسك ببكره



واتفائل واقول ان بكره اجمل



عشان ربنا جمبي وبيحبني



بكره اجمل ولو حتي مش اجمل



يبقي اسمي ضحكت شويه صغيرين



قبل ماابكي تاني



فخلاص بجد هضحك



بجد هسيب اي حاجه تزعلني ورا ضهري



بجد خلص انا قررت ده



قررت وقت البكاء اضحك



وقت الازمه اضحك



وقت الفرح اضحك



ويبقي كده ضحكت علي الدمع والحزن





بس يارب اعرف اضحك

 

الجمعة، 31 يوليو 2009

اشياء صادقه في حياتي

37 التعليقات مرسلة بواسطة ديالا في 5:28 م

جالي سؤال من انوسه حبيبتي

عن اصدق عشر اشياء في حياتي

اولا بجد ياانوسه انت من اصدق الناس

الي بحب اتعامل معاهم اوي

وبجد ربنا يكرمك يارب

باحسن حاجه في العالم كله

واما بالنسبه لاجابه السؤال:

اولا:اسلامي وايماني برب الكون كله

وحبي لاحن واطيب شخص في الكون كله

سيدنامحمد صلي الله عليه وسلم

ثانيا:بحب اكون جدعه اوي مع اصحابي

او مع اي حد يطلب مني اي حاجه بس لازم اعملها

حتي لو علي حساب مصلحتي بس لازم اكون

قد كلمتي وانفذها

ثالثا:بحب دايما تكون مواعيدي مظبوطه اوي

وبتغاظ اوي لما حد يتاخر عن ميعاد

ود اكتر حاجه تغظني اوي

رابعا:مبحبش حد يكون تنك في تعامله معايا ولوحسيت ان حد

بيتعامل معايا كده غصب عني بتنك عليه

بس بحس ان هو ده الي ستحقه

خامسا:مبحبش الرغي الكتير

وانتوا عارفين ان البنات يموتوا في الرغي

فلو صحباتي كلموني كتير ببعد السماعه واعمل اي حاجه

وارجع تاني اكمل المكالمه عادي ولا كان حاجه حصلت

سادسا:عصبيه لدرجه تخليني انا اساسا بتخنق من نفسي

بس طبعا بعد 3 دقايق بالظبط بهدي خااااالص

وانسي اصلا ايه الي كأن مضايقني

سابعا:حساسه اوي لاي كلمه ممكن تتقالي

وده بيخليني ازعل من الناس بسرعه

لان اقل كلمه ممكن تاثر فيا اوي

ثامنا:دايما دموعي قريبه سواء في حزن او في فرح

يعني ممكن اكون سعيده اوي وبرضه عيوني تدمع

تاسعا:بخاف اوي من الفراق واخر يوم في الجامعه

فضلت اعيط علي فراق صحباتي

كاني هموت ومش هشوفهم اوي

بس فعلا لفظ فراق ممكن يكسرني

ربنا مايبعدني عن اي حد بحبه يارب

عاشرا:اوقات كتير بكون هاديه اوي جدا

واقات تانيه بكون مجنونه اوي

ولحد الان معرفش فعلا

اذا كنت شخصيه هاديه او مجنونه

ماعلينا المهم بقي يارب مااكون طولت عليكوا

ويارب دايما كده اعرف عنكوا اخبار حلوه

وكل سنه وانتوا طيبين

والسؤال ده زي ماجالي من واحده بحبها اوي

انا كمان هبعتهم لناس بحبهم اوي

دكتور حوده:مدونه اخر يوم في الجنه

ليدي

جيجي

ادم

حنين

بينك دريمز

سميه كمال الدين

وطبعا مستر زناتي

ميخو

اعترافات قلب

ابو العريف

حلم بيعافر

ايوشه

نيجرو

د/ياسر عبد الفتاح

بدراوي

احمد الدسوقي

ميمي

منار فايد

احمد بسيوني:مدونه البحر

اقدم عاصمه في الحب

موني الشريف

وطبعا شيما والحكومه الي بتشكمها

ماء تشرين

ليس فقيرا من يحب

احمد الصعيدي

بنجاوتي

قلب الاسطوره

احلي الاوقات

موناليزا

محمد غاليه

بنجاوتي

جودي

روان

دكتور عمرو

اسير الغربه

حلم

شيكولاته

غربتي

وطبعا حبيه رحيل وخطيبها مدونه هجايص

وطبعا كل الناس الي بعلق عندهم

لاني كلهم بحبهم

وعذرا بجد للاطاله

 

الثلاثاء، 28 يوليو 2009

وربنا البنات اتهبلت

86 التعليقات مرسلة بواسطة ديالا في 5:06 م

حد يقولي فيه ايه بالظبط



البنات مالها جرالها ايه؟



مكنوش كده خالص شكلهم جالهم انفلونزا الهبل ولا ايه؟



هتقولوا مناسبه الكلام ده ايه



هقولكوا اني كنت في فرح قريبي



فشفت شويه حركات من البنات الي في الفرح تجيب الضغط





يعني اولا مبدئيا خالص كده



من ايام تحضيرات الفرح واحنا كنا تقريبا 7 بنات



في سن بعض اكبر سنه او اصغر بس كلنا بنات وكده



ايام الفرش بقي بتاع العريس



البنات كلهم من الصبح الي تسبسب في شعرها



والتانيه الي حاطه ميكب كامل علي الصبح كده



والي نازله تسبيل للشباب الي كانوا في الفرش



قلت عادي يمكن عينهم بتوجعهم ولا حاجه



فمحتاجين يسبلوا قلت ربنا يشفيهم



مااااااااااااااعلينا



وتروح بقي تدي للولد ده عصير اصل الجو حار



عشان مثلا يقولها مرسيه ولا حاجه



ويعجب بيها ويتجوزها بقي



بس ابدا الحركات دي مجبتش نتيجه



يوم الفرح بقي



الاقي البنات اقاريبي بيقولوا نجي عشان تظبطينا وكده



قلتلهم ياجماعه مافي اختراع اسمه الكوافير



لا اااابدا مصرين انا الي اظبط



الميكب بتاعهم والطرح بتاعتهم



مااااااااااعلينا قلت اكسب فيهم ثواب واظبطهم



ظبطتهم وخلتهم بقي ايه اخر شياكه



جيت انا بقي اظبط نفسي



كل مااسال واحده فيهم كده مظبوط؟



تقولي لااااااااا وحشه



افك الطرحه واظبطها تاني واسال التانيه



ياحبيتي اتظبطت كده تقولي لااااااااااوحشه





لا حول ولا قوه الا بالله يعني انا



مظبطه 7 بنات ومش عارفه اظبط نفسي



طب ياجماعه الفستان كده متظبط



ايه ده هو ماله عامل كده ليه



فيه حاجه غلط



فيه حاجه مش متظبطه بس مش عارفين ايه هيا



لحد ماجريت علي امي



ياامي انقذيني هواايه الغلط في منظري



فين وفين بقي لما اكتشفت ان حضراتهم بنات



والبنات بقي ايه بتغير من بعض



رحنا الفرح وكاتنت الصاعقه



كل واحده فيهم بتزق التانيه عشان تكون



هيا ادام في الزفه وعشان الناس تشوفها



اقولهم يابنا ت اركزوا شويه عيب كده



ده انتوا قاريب ميصحش كده



وهما لاحياه لمن تنادي



دول بقي اول مادخلوا الفرح كل واحده بتكلم التانيه





وكل بنت عرفت هدفها



عينهم علي اصحاب العريس



اه يابنات ياهبله ايه الي بتعملوه ده



هتفضحونا والله



كل بنت بقي تقولك اصل الواد ده امور



اصله شبه احمد عز ولا باين مهند



تروح بقي وتعدي من ادامه



وشويه تسبيل علي شويه رقه



ولو سمحت ممكن اعدي



مع انها ممكن تعدي من اي مكان تاني



بس ازاي حتما ولابد تلفت نظره ليها



ويعيني بقي لو خبط فيها



هما بقي ماشين بنظريه الي يخبطني لازم



يتجوزني



وتفضل بقي مش تحاسب وتعيط اه يارجلي



حرام عليك موتني لحد مايرسي الموضوع



في الاخر انها تاخد رقم موبايله







والواد ياعيني عليه غلبان



ولا فاهم اي حاجه



وميعرفش انه الهدف المطلوب تنفيذه





وياعيني لو ولد غلط وبص نحيه واحده فيهم



تلاقيهم بيتخانقوا ده كان بيبص عليا



والتانيه لا ده كانت عنيه نحيتي



والتالته ده كان بيضحكلي



وفين وفين لما يقتنعوا انه كان بيبص لواحد صاحبه وراهم



وفضلنا علي كده لاخر الفرح



والبنات تتطلع علي المسرح بقي وتبتسم للكاميرا



ونحاول تبين نفسها



وكل واحده تعقد التانيه في منظرها



وتقولها فيكي حاجه غلط



ولما الفرح خلص ياعيني دون اي نتائج



كل بنت ياعيني جالها احباط



واتضحلي حاجه مهمه جدا







ان البنات باين كده جالهم انفلونزا الهبل



الي ماشيه في الجو اليومين دول



ربنا يستر علينا بقي

 

الأحد، 26 يوليو 2009

وكتب القلم

29 التعليقات مرسلة بواسطة ديالا في 9:22 م

تعودت عندما اكتب اي شي بداخلي



ان ادع قلمي يكتب مايريد



والا اساله مطلقا ماذا يريد ان يكتب



لكنه هذه المره وعلي غير عادته



تبسم لي قائلا:سأدع الحزن بعيدا عن كتاباتي هذه المره





وساكتفي بكتابه بعض ماتعلمته منك



علمني الزمان ان ابحث عن الحب وسط زحام الحياه



لانه احيانا تتوه مننا اشياء جميله وسط الزحام





علمتني الحياه ان ابكي عند اللقاء والفراق لانه



حينما يحين اللقاء يتحدد ميعاد الفراق





علمني الكلام ان اصمت عند الحزن



لانه غالبا الصمت يكون ابلغ لغات الكلام





علمني الواقع الا التفت خلفي



لانه اذا نظرت خلفي سأجد من يحاولون جذبي معهم للوراء





علمتني الكرامه الا احب من اهانني



لان الكرامه اغلي كثيرا من الحب



علمني الجرح ان اكون دائما قويه



حتي لا يشمت فيا من يجرحوني



علمني ابي ان اخلاقي هيا كل مااملك



فشكرا ابي علي هذه المقوله الرائعه



علمتني امي الطيبه الزائده



فشكرا امي ان هذا ماورثته منكي



علمتني صديقتي الا اثق باي شخص



فشكرا انه بخيانتك علمتني هذا الدرس الرائع





وعلمني رسولي الحبيب ان اسامح كل الناس



فاعلم يااحب الناس الي قلبي اني فعلا سامحت



كل الناس حتي تفخر بي وتحبني







علمني ربي ان اكون مؤمنه وموحده



ومخلصه لكل من حولي



وان اراعيه في كل فعل افعله



وانت يارب عالم بما داخلي



وعالم بكل فعل افعله







فشكرا الي كل من علمني شيئا



وشكرا الي كل من كون شخصيتي



وشكرا اليكم جميعا

 

الجمعة، 24 يوليو 2009

عيد ميلادي

84 التعليقات مرسلة بواسطة ديالا في 2:49 ص

هيييييييييييييييييييييييه

اخيرا وبعد طول انتظار وبعد دقات الساعه12

بقي عندي 22 سنه

ايون النهارده عيد ميلادي

كل سنه واناطيبه

وكل الناس الي بحبها بخير وسعاده دايما

ويارب يبعد عني اي حاجه

ويبعد عن كل المسلمين اي شئ

واشوف كل الناس الي بحبهم مبسوطين

ويارب عمري كله اقضيه في طاعه ربنا

وربنا يرضي عني

ويقربني منه

اللهم امين

 

الخميس، 23 يوليو 2009

الأحد، 19 يوليو 2009

الثلاثاء، 14 يوليو 2009

كنت لازم اكتبها

40 التعليقات مرسلة بواسطة ديالا في 12:25 ص

كنت اول مره اقرأها واعرفها

ولما قرأت القصه دي حسيت اني لازم الكل يحسوا

بالي انا حسيته من رحمه ربنا وكرمه

البوست ده منشور في مدونه

سبهللهhttp://islameyatt.blogspot.com/

جزاها الله عنا كل خير يارب

هل تعرف متى مشى النبي على أطراف أنامله؟

تعرف على الإجابة في قصة ثعلبة..

.كان ثعلبة بن عبدالرحمن رضي الله عنه

، يخدم النبي في جميع شؤونه

وذات يوم بعثه

رسول الله في حاجة له..

.فمر بباب رجل من الأنصار...فرأى امرأة تغتسل

وأطال النظر إليها.فأخذته الرهبة

...وخاف أن ينزل الوحي على رسول الله بما صنع.

..فلم يعد الى النبي ودخل جبالا بين مكة والمدينة،

ومكث فيها قرابة أربعين يوماً...فنزل جبريل على النبي ..

.وقال: يا محمد، إن ربك يقرئك السلام

ويقول لك أن رجلاً من أمتك بين حفرة في الجبال متعوذ بي

.فقال النبي لعمر بن الخطاب وسلمان الفارسي

:انطلقا فأتياني بثعلبة بن عبدالرحمن،

فليس المقصود غيره

.فخرج الاثنان من أنقاب المدينة.

..فلقيا راعيا من رعاة المدينة

يقال له زفافة...فقال له عمر

: هل لك علم بشاب بين هذه الجبال يقال له ثعلبة؟

فقال لعلك تريد الهارب من جهنم

فقال له عمر: وما علمك أنه هارب من جهنم؟

قال لأنه كان إذا جاء جوف الليل..

.خرج علينا من بين هذه الجبال.

..واضعا يده على أم رأسه وهو ينادي

يا ليتك قبضت روحي في الأرواح..

.وجسدي في الأجساد..ولم تجددني لفصل القضاء.

فقال له عمر: إياه نريد...فانطلق بهما...فلما رآه

عمر غدا إليه واحتضنه..

.فقال: يا عمر هل علم رسول الله بذنبي؟قال

لاعلم لي إلا أنه ذكرك بالأمس

...فأرسلني أنا وسلمان في طلبك.قال:

يا عمر لا تدخلني عليه إلا وهو في الصلاة.

..فابتدر عمر وسلمان الصف في الصلاة....فلما سلم النبي

...قال: يا عمر يا سلمان، ماذا فعل ثعلبة؟

قال هو ذا يا رسول الله...فقام الرسول فحركه وانتبه

...فقال له: ما غيبك عني يا ثعلبة؟

قال ذنبي يا رسول الله

قال أفلا أدلك على آية تمحوا الذنوب

قال بلى يا رسول الله...قال

: قل:ربنا آتنا في الدنيا حسنةو

في الآخرة حسنةوقنا عذاب النار

قال ذنبي أعظم قال رسول الله

: بل كلام الله أعظمثم أمره بالانصراف إلى منزله

فمر من ثعلبة ثمانية أيام...ثم أن سلمان أتى رسول الله

...فقال: يا رسول الله هل لك في ثعلبة فانه لما به قد هلك؟؟؟

فقال رسول الله : فقوموا بنا اليه...ودخل عليه الرسول .

..فوضع رأس ثعلبة في حجره...لكن سرعان

ما أزال ثعلبة رأسه من على حجر النبي

...فقال له لم أزلت رأسك عن حجري؟

قال لأنه ملآن بالذنوب...قال رسول الله ما تشتكي؟؟؟

قال: مثل دبيب النمل بين عظمي ولحمي وجلدي

قال الرسول الكريم : ما تشتهي؟قال:مغفرة ربي

فنزل جبريل فقال:يا محمد إن ربك يقرؤك السلام..

.ويقول لكل و أن عبدي هذا لقيني بقراب الأرض خطايا

لقيته بقرابها مغفرةفأعلمه النبي بذلك،

فصاح صيحة بعدها مات على أثرها.

فأمر النبي بغسله وكفنه..

.فلما صلى عليه الرسول ..جعل يمشي على أطراف أنامله

،فلما انتهى الدفن قيل لرسول الله

:يا رسول الله رأيناك تمشي على أطراف أناملك.

قال الرسول:والذي بعثني

ما قدرت أن أضع قدمي على الأرض

من كثرة ما نزل من الملائكة لتشييعهالانسان خطّاء..

. وخير الخطائين التوابون...

.فالواجب علينا أن نعود أنفسنا

على التوبة النصوح..

."اللهم أنت ربي... وأنا عبدك... خلقتنى

وانا على عهدك ووعدك مااستطعت..

. أعوذ بك من شر ما صنعت... أبوء لك بنعمتك علىّ...

وأبوء بذنبى... فاغفر لي... فإنه لايغفر الذنوب إلا أنت"

أستغفر الله العظيم الذي لا اله إلا هو الحي القيوم وأتوب إليه

أستغفر الله العظيم الذي لا اله إلا هو الحي القيوم وأتوب إليه

أستغفر الله العظيم الذي لا اله إلا هو الحي القيوم وأتوب إليه

أستغفر الله العظيم الذي لا اله إلا هو الحي القيوم وأتوب إليه

أستغفر الله العظيم الذي لا اله إلا هو الحي القيوم وأتوب إليه

”ربنا آتنا في الدنيا حسنة...وفي الآخرة حسنة.

..وقنا عذاب النار“

لاتحرم نفسك من ثواب نشرها...

وربنا يجازينا كلنا خير

ويرحمنا ويدخلنا جنته