دموع الورد

ايش تطلبي يا نفس فوق كل ده؟

حظك بيضحك و انتي متنكده

ردت قالت لي النفس : قول للبشر ما يبصوليش بعيون حزينة كده


عجبي !!

أعرف عيون هي الجمال و الحسن

و اعرف عيون تاخد القلوب بالحضن

و عيون مخيفة و قاسية

وعيون كتير وبحس فيهم كلهم بالحزن


عجبي !!

عجبتني كلمة من كلام الورق

النور شرق من بين حروفها و برق

حبيت أشيلها ف قلبي ..

قالت حرام ده أنا كل قلب دخلت فيه اتحرق


عجبي !!!

ياباب مقفول امتي الدخول

صبرت ياما والي يصبر ينول

سنين... والرد يرجعلي: مين ؟


لو كنت عارف مين انا ؟ كنت اقول


وعجبي!!!!

انا شاب لكن عمري الف عام
وحيد لكن بين ضلوعي زحام
خايف وخوفي مني انا
اخرس ولكن قلبي مليان كلام

وعجبي!!!!

........

.........