ربما
قبل أسبوع واحد
الثلاثاء، 7 يوليو 2009
بصوا بقي كنت لازم اتكلم
انا يااخواني ويااخواتي
زيي زي بنات واولاد كتير
لما بيتخرجوا بيبقي لازم يعملوا حاجه اسمها محو اميه
سواء كانت سنه الخدمه العامه او سنه تطوعي
ولازم عندنا نعملها بعد مانتخرج
ده لو عايزين نشتغل
يعني انا مثلا خريجه كليه تربيه
فكنت لازم اعملها واخد شهاده محو الاميه
ده لو عايزه يجيلي جواب الترشيح
واتعين في مدرسه بعقد مثلا مدته سنتين
طبعا انا نجحت من هنا وعلي طول رحت بقي اعمل محو الاميه
واليكم المهازل الي بتحصل في الحوار ده
اولا انا ممكن اجيب اصلا حد معاه كليه
بس مكتوب في بطاقته مثلا عامل,سباك,نجار,كهربائي,.........
او ممكن ادخل واحد كان في محو الاميه قبل كده اكتر من مره
ثانيا بقي
لما بنروح المدرسه بيقبي حاجه زي الفل
بنجيب ايه بقي لب وفول وبيبيسي وبنعيش حياتنا
ولا بيجيلنا طلاب ولا اي حاجه
لان اصلا الي معانا بيبقوا اصلا
متعلمين وبيعرفوا يقرأوا ويكتبوا
ولو صدف والمشرف جالنا بيبقي اهم حاجه
انه يلاقينا احنا موجودين
ومش مهم الطلاب
يعني اساسا مش بنعلم حد
همابجد الي عملوا فينا كده
هنعمل ايه يعني؟هنشتغل ازاي؟
وطبعا ده غير المهازل يوم الامتحان
اهانه من المشرفين والموجهين للطلاب الي معانا
علي اساس يعني انهم جهله
واحنا نفسنا بنتهزأ يعني حاجه زي الفل
سيبكوا من كل ده
انا في مشكله صعبه
اهئ اهئ اهئ
كان معايا في الفصل الي همتحنه 9 طلاب
بعد ماجبتهم بطلوع الروح
دلوقتي مفضلش معايا غير 3 طلاب
الباقي لاما سافر بره مصر
لاما دخل الجيش
لاما شاب وشايف نفسه ومكسوف يجيلي
وامتحاني يوم الاربعاء
اهئ اهئ وشكلي كده هسقط ياجماعه
اهئ اهئ
ادعولي والمكتوب علي الجبين
لازم تشوفه العين
وما دايم الا وجه الكريم
اوعي تنسوا تدعولي
49 Comments:
Subscribe to:
تعليقات الرسالة (Atom)
m.jpg)
التعليم كالسلم يجب أن نصعده ولكنا ننزله وليس له نهاية
حتى إنحدر كل شئ
شكرا على البوست الجميل
اه ربنا يخليكي ادعيلي
هسقط يارجاله
اه فعلا ربنا يرحم الضمير
من جهه انحدار التعليم هوا فعلا انحدر
وانحدر جدا كمان
يلا معلش هنعمل ايه يلا كلنا بقي نقراله الفاتحه وندعي ان ربنا يرحمنا من الزمن الي انتهي فيه الضمير
هههههههههههههههههههه
لا ودى كمان ضحكه
هههههههههههههههههه
عارفه ليه
اصلى مكنتش مصدق الاول
لغاية ما فى حد كان بيعمل محو اميه بردو اعرفه يعنى
وقالى تعالى امتحن معايا بدل واحد
هههههههههههههه انا كنت فاكره بيهزر
المهم روحت لقيته بيدينى بطاقة واحد عنده 50 سنه وبقولى ده انته
طب ازاى ياعم
هو كده
طب والمراقبين
ياسيدى كله فى الكلتش
ما شاء الله
احنا اللى بنعمل من البحر طحينه :)
كل حاجه صح بنحرفها وكل حاجه غلط ممكن نعدلها
ربنا يسترها علينا
مش كل واحد بتاخدوا عليه 100 جنيه باين
هههههه
يلا هبصلك فى اللقمه بتاعتك بقا :)
معلشى تشد وتزول
واحنا كلا معاكى
متتقلقيش
هتعدى الامتحان على خير ان شاء الله
ربنا معاكى يا قمر
نسيت اقولك ان المهزله الاكبر ان هما مش بيدونا فلوس
وربنا وربنا انا مااخدت من محو الاميه غير 4 جنيه
شفت بقي المهزله
اهئ اهئ
اه ادعيلي ده انا غلباااااااااانه
بلبتوفيق إن شاء الله
مش تقلقى كده
وانتى تعبتى فى اكل اللب والفول مع البيبسى علشان كده هتلاقى نتيجة تعبك ده :))
بس بجد والله انتى هتعملى ايه يعنى كفاية انك اخدتى بالاسباب وعملتى اللى عليكى وربنا معاكى
تحياتى
بقولك ايه ابأى هاتيلى شويه اللب معاكى:)
ابقى خدينى معاكى
ههههههههههههههههه
أخدتى أربعة جنيه بس لحد دلوقتى
ومطلوب منك 10 أنفار تمحى أميتهم
يا حلاوة يا أولاد
معنى كده إنك بتاخدى 40 قرش على الراس
ده حتى ما ييجى بحق الجاز اللى فيها
هههههههه
عايش ولكن
إنت ولا مش عايش لولا مش قادر على بعدك ولا إيه وضعك بالظبط
المهم بعد ما أخدت البطاقة
أتنكرت وركبت دقن ولبست جلابية كده وظبطت نفسك
ولا دخلت أمتحنت بالتشيرت والبنطلون الجينز
ونجحت أصلاً ولا؟؟؟؟؟؟
تحياتى
تخليكى تاخدى وردية تانية
وتنجحى يا رب
ربنا يوفقك لما يحب ويرضى ان شاء الله
تقبــلى مرورى
مش عارفة اقولك ايه
هو اولا ربنا معاكي وتلاقي اي بشر يوم الامتحان
بس بجد ديه مهزلة
حالة البلد بقيت تكسف
ربنا يستر
سلام
ربنا يخليك يارب بس انا فعلا قلقان ربنا يستر
اعمل ايه بس ماكل الناس كده
فعلا ده الوضه الي في كل مدارس محو الاميه
ولو كنا لقينا حاجه نعملها كنا هنعملها
ابقي امحي اميه الشعب الصري معانا
واحنا اجبك شويه لي ولا عايزه تاخدي لب من غير اي مجهود
مرسيه لمرورك ياقمر
ربنا يخليك
ابقي تعالي وانقذني هستناك يوم الامتحان
وربنا ماخدت غير 4 جنيه
وكمان صرفتهم حق التاكسي عشان اروح
ياابني مهزله وربنا
يارب اصحي الاقي كتيبه وجيش يااااااااااارب
شكرا لمروك ياقمر
ربنا يخليك يارب وجزاك الله خيرا علي الدعوه لجميله
من جهه انها حاجه تكسف ففعلا حاجه تكسف والله
بس البلد بقت كلها كده
ربنا يستر علي البلد دي والله
شكرا لمرورك يااجمل ورده
ربنا معاكي
(:
لو اتزنقتي قوي
انا ممكن اجي
(: (:
تحيـــاتي .. ديالا
اولا متتصوريش قد ايه انا فرحان لانك طلعتي زميلة مهنه وكمان خريجة نفس الكليه
بس انا كنت طبيعه وكيميا
ياتري انتي كنتي ايه؟
احنا بقي معندناش حاجه زي دي عندنا الجييييييييش
لو عايزة طلاب كتير
اقولك علي حاجه
انتي تخلي كل الجماعه بتوع المدونات يروحوا معاكي يمتحنوا
واهو نكسب فيكي ثواب
ربنا معاكي وتعدي علي خير
تحياتي
ربنا معاك
وطمنينا حليتيها ازاي
:)
انا خريجه قسم لغه فرنسيه السنه الي فاتت
خلاص ياجماعه يلا بينا كل اصحاب المدونات يجوا معايا
لازم نقف جمب بعض
دايما منورني دايما
ربنا يخليكي
باذن الله هطمنكوا والله
نورتني ياسكره
انا كده كده عايزه ناس
خلاص هستناكي متتاخريش
ده بكره
وكمان خريجة لغة فرنسية اللغة اللي مش مفرحاني وشايلاها معايا كل سنة
ربنا ينجحك ياااااااارب لأني ان شاء الله ان شاء الله هستغل موضوع الفرنساوي ده علشان امحي اميتي الفرنساوية ( وش بيطلع لسانو)
تسلملي ياسكره
وبعدين ده انا علمك الفرنساوي من عنيا الاتنين يعني بجد تؤمري
وربنا مش كلام لو عندك اي ماده فرنساوي وعايزه ليها تلخيص
ارجوكي تقوليلي
اتفقنا ياسكره
ربنا يكرمك
وتاكدي اني هزهقك بالفرنساوي قبل الامتحان ان شاء الله
يارب تنجح يا تتح :)
فمتقلقيش
ويبقى التواصل
أه ... نسيت أقولك .. وكمان مفيش حد بياخد شهادة الخدمة العامة دي أبدا
ويبقى التواصل
ربنا يطمنك يارب
ده انا كنت مرعوبه
ودايما منورني في المدونه
قبل امتحانك عرفيني بجد وهستني كتابك عشان الخصهولك
ربنا ينجحك
ويارب تنجح ياتتح
والله شر البليه ما يضحك...
يابنتي ربنا معاكي وتنجحي ..
فعلا والله شر البليه مايضحك
سعيده جدا بمرورك
انا سعيده اني طمنتك علي الاميه في مصر
مصر لسه بخير يادكتور
دايما كده منورني
متشكره اوي علي الموقع الرائع
ربنا يجازيك خير
ازيك يا ديالا داحنا طلعنا زمل اهه انا كمان كان مطلوب منى فى الخدمه العامه اعلم 10 ومعرفتش اجيب واحد حتى كل لما اقول لواحدة من الجيران تقولى اهيه بعد ما شاب وخلعه درسه جابو العوالم يجددوا عرسه وهاتك يا تريقه والنتيجه عملولى انقطاع من الخدمة فاحمدى ربنا ان معاكى تلاته حد طايل
حبيبتى وحشتنى قوووى وبجد ربنا ما يحرمنيش منك ابدآ
جميل قووى البوست
أنا عن نفسى فاتحه فصل محو اميه وكل ما يخلص افتحه تانى
والحمد لله قدرت بجد اتعامل معاهم ومحيت امية ناس كتير قووى وعرفو يكتبو ويقرؤء بجد وبكون مبسوطه قووى وانا بتعامل معاهم رغم الصعوبات اللى بتقبلنى بس بتحمل
وبروح كل يوم المدرسه من خمسه الى تمانيه هما صحيح بيغلبونى لما يحضرو بس برده بتحمل وهى ماشيه يوم كده ويوم كده والحمد لله
ربنا يبارك فيكى
تحياتى
انوسه
الحمد والشكر ليك يارب اني معايا 3
لولوللولي
اهو احسن من مفيش
بجد ماشاء الله عليكي
احنا الي جيل بايظ والله
بنستعبط ومبنعملش حاجه بجد
تحياتي ليكي ياسكره
المهازل بقت فى كل حتة فى البلد يااستاذة بجد بقت حاجه صعبه اوى اللى بيحصل ده المفروض هما اللى ينسقوا ويجبولكوا طلبة وانتوا كتر الف الف خيركوا انكوا هتعلموهم لكن انتوا اللى تنظموا وانتوا اللى تشرحوا صعبة اوى
ربنا معاكى
ادعوكى للانضمام معنا فى حملتنا ومن احياها كل التفاصيل هتلاقيها عندى فى المدونة
محتاجين رأيك ورؤيتك معانا
اجى النهاردة الاقيكى بتقولى انك لسة جاية من الامتحان على العموم انا مستنى حضرتك عندى علشان تطمنينى عليكى
ومتخفيش من القطط هما النهاردة اجازة