ربما
قبل 5 أيام
الجمعة، 3 يوليو 2009
في موضوع محيرني بجد
ومش عارفه اتوصل لاجابته
نفسي اعرف بجد
هو ايه اكتر حاجه بتشد الولد للبنت؟
يعني مثلا ذكائها؟ولا طيبتها؟
كبريائها ولا تواضعها؟
سكوتها ولا رغيها؟
جمالها؟ولا ابتسامتها؟
عقلها ؟ولا جنونها؟
ايه بجد اول حاجه بتلفت نظرهم في البنت؟
ممكن فعلا يكون اول حاجه جمالها؟
وفي الحاله دي البنت تعتبر مجرد شكل وبس؟
فكرت في الموضوع ده كتير وبجد بقيت محتاره
وهل فعلا الراجل بيخاف من البنت الذكيه؟
الاسئله دي بيفرضها عليا واقع انا شيفاه بجد
شيفاه في اصحابي في اقاريبي
لحد مابقيت بجد خايفه
خايفه اتعامل بطبيعتي
خايفه اتعامل بتلاقئيتي
خايفه اتعامل ببساطه
خايفه اتحول لحد غيري
معلش مش عرفت انام غير لمااكتب البوست ده
اعمل ايه بس مزعجه وغاويه ازعاج؟
22 Comments:
Subscribe to:
تعليقات الرسالة (Atom)
m.jpg)
اعتقد اجابات الإناث حتبقى اهم بكثير من اجابات الولاد
رغم ان السؤال يعتبر موجه للولاد اكثر
فى المطلق من غير وجود مشاعر حب
فهو اعتقد انها بتبقى حالة على بعضها
الواحد بيلاقيه مستلطفها و قابلها
بس اقدر اقول عقلها و جنونها و رقتها و جمالها و طموحها
و ذكائها ده فى المطلق
فى الحب بقى يبقى الصفات العاطفية اكثر بالطبع
اتمنى اكون قدرت اجاوب ببساطة
اول حاجه بتلفت نظر الولد للبنت شكلها,وسيبك من اللى يقولك عكس كده اصله لسه ميعرفهاش هيلفت نظره ايه يعنى غير الشكل.
ندخل باه لما يتكلم معاها شوفى ياستى دا على حسب كل واحد واللى بيحبه بمعنى فى واحد بيلفت نظره طيبتها وواحد ادبها واحترامها وواحد جراتها وجنونها ,وواحد بيحب دماغها بس دول فئه قليله جدااااااااا يعنى يقولك انا اه اتناقش مع واحد ذكيه بس متجوزهاش مش ناقص وجع دماغ:))
من الاخر ملكيش دعوه هو بيحب مين؟؟؟؟؟ خليكى انتى زى ما انتى بشخصيتك بعيوبها قبل مميزاتها لان فى حد هياخدك كده كلك على بعضك بكل تناقضاتك لكن اغير نفسى واقول انا هعمل كده وكده ,هتعملى كده لمدة اد ايه لازم شخصيتك الحقيقه هتظهر وكل واحده وليها شخصيتها المميزه اللى بتختلف عن اى واحده وليها مذاقها الخاص.
تقوليلى جيبتى الكلام دا كله منين اقولك انى درست وسافرت لوحدى ومش هحكيلك يعنى ايه بنت تسافر لوحدها وبتشوف اشكال وانواع عامله ازاى؟وبعدين اشتغلت 3 سنين اتعاملت مع كميه ناس فظيعه. ,من دا كله طلعت انا هو انا ومش هكون غير انا وانا اتحب كده:)) وصدقينى كل متكونى طبيعيه وبشخصيتك كله بيحبك اكتر.وسيبيكى هم بيحبوا ايه لو موقعش على بوزه زى ما انتى كده دلتيه علطول:)
انا رغيت اوى صح؟؟؟؟؟
اه صحيح بدراوى انت مجاوبتش على اى حاجه:))
لاول مره بتفق معاها D:
قايله كلام زي الفل
تصبحي ع الخير
او
صباح الخير :)
باعتباري ولد فانا هتكلم عن نفسي
اول حاجه بتشدني لبنت ( اي بنت ) والله مش شكلها
لان الشكل مش مقياس عندي وان كان مطلوب بردوا
اهم شىء اخلاق البنت دي ودا كله بيبان من لبسها ومشيتها ونظراتها وحتي من اصحابها وطريقة كلامها
يعني لازم كل اللي حاجات دي تكون صح من وجهة نظري علشان اقدر اقول اني معجب بيها
اسئلتك بجد محتاجه تفكير كويس
وانا هقعد اقرا معاكي التعليقات علشان اشوف راي الناس التانيه
اللي اكيد هنستفيد منها كلنا
تقبلي مني خالص التحيات
الرجالة كمان مش زي بعضها
هحكيلك حكاية صغيرة
واحد كان زميل اخويا في الجامعة وكان واد قمر وبنات كتير هتموت عليه
مرت السنين والايام
واتفرقوا
وفي يوم في رمضان قابله في صلاة التراويح ووقف معاه بعد الصلاة ينتظر زوجته لما تيجي من مصلي النساء
اخويا لاقاها
مش جميلة اطلاقاااااااا فاستغرب واتعجب من حبه الغير عادي ليها حب لدرجة العشق
عارفة ليه
لانه ادرك ان الجمال الحقيقي
هو جمال الروح والطبع
جمال الخلق
وليس جمال الجسد الفاني
تحياتي
شوفى انا عايزه بس اقولك ان تكونى على طبيعتك جدا دى اهم حاجه الصدق والاحساس الحقيقى اوعى تتكلفى او تعملى دور مش دورك حتى لو غيرك شاف ان المفروض ان ده اللى يحصل
كونى نفسك وبس باحساسها وطبيعتها وتلقائيتها
هو ايه اكتر حاجه بتشد الولد للبنت؟
طبعاً الشقاوة والجمال
دول أكتر حاجتين ممكن يشدوا أى ولد لأى بت وأى واحد يقول غير كده يبقى كدااااااااب
بس السؤال هنا هو
إيه اللى بيخلى الولد يحب يرتبط بالبنت؟؟
سيبك بقى من كل الكلام اللى سمعتيه وأتقال
الواحد بيحب يرتبط بالبنت
المحترمة
اللى تقدر تحافظ على نفسها
الجدعة ومش متدلعة ويقدر يعتمد عليها فى المواقف
اللى بتكون فى قمة ضعفها قدامه
اللى بتحسسه إن مفيش راجل غيره يقدر يملا عينيها
اللى ماتنكدش عليه
اللى تقدر تعامل أهله كويس
اللى دمها خفيف
الجميلة
اللى يحس معاها إنه عيل ولما ييجى متضايق تشيل همه
اللى أسرتها كويسة ومش بتاعت مشاكل
الشيك
وأهم حاجة بالنسبالى أنا
إنها تكون بتتصرف على طبيعتها زى ما الشعب قال كده وأحس إنها طيبة وفعلاً بتحبنى
تحياتى
صفحة التعليقات عندك بتعلق معايا كل ما أخش أعلق
وكانت عندى كده برضه فى المدونة بتاعتى لحد ما دخلت فى الإعدادات - تعليقات - موضوع نموذج التعليق - صفحة كاملة
وبعدين اتظبطت
لإنى لقيت نسبة الدخول مش متناسبة مع نسبة التعليقات وكنت بتضايق جداً من الحكاية دى
بس دلوقتى الحمد لله خلاص
تحياتى
بتختلف من شخص لشخص
انا عن نفسي احب الجميلة و المثقفة
ممكن الرجل ينشد للذكاء والطيبة لانها بذكائها وطيبتها هتحتويه وتحاول توصله اللى هى عاوزة بدون متحسسة انها فرضت رايها وانه هو الرجل و فاهمنى يعنى بتخليه يحس انه القرار نابع عن قنعته ومن جواه وبطبيتها تكسر فيها روح العند وصلك عاوز اقول اية
بصى كلام كله والله دا مقومات الانوثة يعنى كله دا المراءة لكن اية اللى بيغلب على منه على سلوكها ويكون عامل رئيسى فى انجذاب الرجل اعتقد شخصيتها وذكائها فاهمنى ومعتقدتش فى رجل ما هيرفض ان شريك حياته يساعده فى سير المركب الزوجية مع احتفظه انه هو قائدها
هو موضوع فعلا يحير وبجد جميل منك طرحة
اختى العزيزة دمتِ يارب بكل حب و ود وفى رعاية وحفظ الله دائماااااااا
وفعلا والله تصفيق للبوست واسلوب طرحه
اما بقى عن الاجابة للأسئلة
فعليك و على تعليقات بوست تعددت الدوافع و الاجابة واحدة اللى عندى .. وده اللينك
http://upstream2.blogspot.com/2009/06/blog-post_16.html
* ملحوظة
شوفى السيد بار و البانر عندك لان من الواضح ان الصور فيها مشكلة v_v
احنا لما بنيجي نعمل تفاعل
بنبقى متوقعين نتايج
جايز تحصل وجايز يطلع غيرها
الاعجاب برضو كده
لازم يكون فيه "كيميا"
مزيج من الفكر والجامل والاخلاق وغيره وغيره
وومكن الكيميا متخليناش نشوف اساسا .
دمتي بكل الود .
اولا الفطره
يعنى دى حاجه جوا الانسان
غير كده بيبقى الامر نسبى
كل واحد بيتشد بحاجه معينه
ناس تقول الاخلاق
ناس تقول الجمال
ناس تقول الفلوس
واخر حاجه الذكاء
الموضوع اللى بتطرحيه هذا يحتاج كتب وليس رد كى نرد عليه لانه ببساطه شديده انتى تسألى سؤال مكون من نحو ستة كلمات تلخص علاقة الرجل بالمراه منذ ملايين السنين ولكن صدقينى انا حقولك على رد يمكن غريب شويه ان مايجذب الرجل فى المرأة هو ماقد يفتقده الرجل فى نفسه - وان لم يصارح نفسه به - يعنى مسألة الجمال او الثقافة او العقل او الحرية فى المرأه هى عبارة عن مرأه تعكس الصورة المقلوبه فى الرجل فينجذب الرجل غير الواثق فى نفسه مثلا من ناحية الشكل الى المرأه الجميله او قد ينجذب الرجل المنطوى الى المرأه الجريئة او ينجذب ذو الثقافة المحدودة الى المرأة المثقفه وطبعا هذا ليس مقياسا عاما ولكنه فى الغالب وبالتالى شخصية الرجل هى التى تحدد المرأة التى يريدها فليس كل جمال المراة جذاب لكل رجل وليس كل امرأة مثقفه او ذكيه هى مايريدها كل رجل بمعنى اخر فالرجل قد يشعر ان ماينقصه فى شخصيته قد يكمله بالموجود فى نصفه الأخر ( شوفى انا قولت نصفه الأخر ) لان الرجل والمرأة نصفان تائهان يبحثان عن بعضهما وبالتالى فكل منهم يبحث عما ينقصه ليجده فى نصفه الأخر
الاخت الكريمة دموع الورد قبل أن أبدأ في الإجابة على موضوعك أود ان أقول لكِ كوني في حياتك كما أنتِ ببساطتك وفكرك
فروعة الورد تكمن في بساطته فهو عبارة عن ورقة حمراء وعود أخضر ورائحة هادئة هنا تكمن روعته في بساطته
اما بالنسبة للأسئلة التي تحيرك فهو أمر معقد كيمياء كما يقولون
فما يعجبني لا يعجب غيري وما يعجب غيري لا ينال إعجابي
وباعتبار أن كلمة ( اللي بيشد ) المقصود بها الاعجاب فأجمل ما يجذب هو البساطة حقا
الذكاء في الانثى شيء رائع لأن في تلك الحالة سيخلق حاله من الاطمئنان بالنسبة للرجل أن هناك من ستفهم ما يقول حتى وان لم يقل والذكاء لا يتعارض مع الطيبة اطلاقا اما التواضع فهو من شيم أصحاب الخلق وما كان الكبرياء في شيء إلا وانتقص من روعته أما الصمت أو الثرثرة أو الرغي فلابد من أحدهم أن يتحدث انا او هي
اما الجمال الذي يلفت في أول الأمر في المرأه فهذا لا يعني تحولها إلى مجرد شكل وإلا لما تبارت نساء العالم على اظهار جمالهن ولكن حتى ذلك الجمال نسبي والجمال ليس شكلا فقط
هو خليط من كل ما تملكه الأنثى من شكل وروح ولباقة وطيبة وذكاء وروعه
تحياتي وعذرا للاطالة
اما اللى بيحبه الراجل فهو.. واتكلم عن نفسى ..شخصيه الفتاه وطريقه تفكيرها وتدبيرها للأمور وبرضو انها تكون عاقله مش مجنونه زى كتير من البنات
لكن أكيد الذكاء فعلا بيجذ الراجل
وتكلم البنت وانهاتكون بنت مرحه بس مش لدرجة التحرر
أكيد شخصية كاملة ومكوناتها
إن الجمال نسبى بين الناس
ودى حكمة ربنا
يعنى لا يوجد شئ اسمه معيار جمال أو مواصفات الجمال ,
أنا مثلا بحب البنت الهاديه غيرى كثير بيحب البنت الرغاية أو بيسموها
( قطعة الحلوى ) اللى طوالى بتهزر
الناس مختلفه فى النظر للجمال
فى ناس بتحب البنت البيضاء وناس بتحب السمراء وهكذا ..........
وأجمل شئ إن مفيش حد يتكلف فى المعاملة
ومفيش أجمل من الصدق فى الكلام والإحساس
وعلى فكره مراية الحب عاميه ممكن تكون البنت فيها صفات كتير لا تتلائم مع صفات وظروف الولد اللى بيحبها ولكن هو شايفها أجمل مخلوقه فى الكون
ونقطة الجمال زى مابقولك كده هى نسبيه