الأربعاء، 8 يوليو 2009
انا جيت ياحبايبي الحلوين
لسه واصله من امتحان محو الاميه حالا
والله العظيم كان ناقص وجودكوا معايا
كان والله يوم ترفيهي زي الفل
صحيت النهارده متاخر علي غير العاده
عشان كنت سهرانه في فرح في مدينه راس البر الجميله
عقبالكوا كلكوا يارب
صحيت علي تليفون صاحبتي بتصحيني عشان ننزل
نروح المدرسه عشان الامتحان
المفروض الامتحان كان الساعه 2 ظهرا
نزلنا الساعه 2
وفضلنا مستنين لحد الساعه4
والشمس كانت رهييييييييبه النهارده
وكنت حاسه ان جالي ضربه شمس مزدوجه
لحد مابدأت لجنه الامتحان
الحمد لله عرفت اعثر علي 4 طلاب
عشان يمتحنوا معايا
دخلتهم ايه بقي اللجنه
ويانهار ابيض كانهم اول مره يشوفوا
ورقه امتحان
كانوا خايفين ومرعوبين
وانا بره شايفاهم من الشباك
وكنت هنتحر من الغيظ
ياعم اكتب اي حاجه
ياابني بص لورقتك
وكانت صاحبتي برضه طلابها جوه لجنتي
انا وهيا فضلنا نصوت من الغيظ
الطلاب عمالين يتعرفوا علي بعض جوه اللجنه
ومش بيجابوا علي الاسئله
طب والعمل هنعمل ايه؟
ندهت للمراقبه الي عليهم لاني كنت اعرفها
فضلت بقي اقولها خلي بالك منهم وظبطيهم والذي منه
لحد مااقتنعوا اخيرا ان الورق الي اخدوه ده اسمه امتحان
ولازم يجابوا عليه
الحمد لله خلصوا امتحان العربي بعد ماخلصوا روحي
واخدوه ورقه الرياضيات
انا وربنا شفت الورقه اتصدمت
ده امتحان محو اميه ده انا نفسي معرفش احله
قلت الحمد لله كده انا ضمنت اني اسقط
بس الحمد لله كان في واحد فيهم ربنا عطاه شويه ذكاء
فطلع موبايله وفضل يحل المسائل
ويوزعها علي اللجنه كلها
ياحلولي خلصوا الامتحان
واول ماخرجوا قالولي
كله تمام ياابله فين بقي فلوسنا
اه ماهوانا مقلتلكوش
انه الواحد بياخد فلوس
طلعت بقي الي فيه النصيب لكل واحد
وضاع مصروف الشهر بتاعي
علي محو الاميه
وشكلي كده هقضيها سلف من امي لاول الشهر
او لحد مايجيلي اعانات
دوله بابا الرأسماليه الاشتراكيه الاتحاديه المنفصله
وخلص الامتحان علي خير
بعد ماضاع مصروفي
وطلعت روحي
وكل امتحان وانا وانتوا طيبين
واخيرا خلصت
ومعدش ناقصني حاجه
وعملت الي عليا وهاخد شهاده محو الاميه
43 Comments:
Subscribe to:
تعليقات الرسالة (Atom)
m.jpg)
والحمد لله اكتر ان مش انتى اللى كنتى فى لجنة الرياضة
والحمد لله ان ربنا رزقك بواحد عنده شوية ذكاء
والحمد لله ان مصروفك خلص بدرى بدرى :P
مش قلتلك ربنا مش هيضيع تعبك :))
اه والله الحمد لله
لو كنت انا في اللجنه كنت هسقط نفسي
وبعدين مصروفي خلص بدري
فشتغل بقي في شغل البكش لبابا عشان اخد مصروف غيره
سعيده اوي بمرورك
ههههههههههه
حبيبتى بتفكرينى بيا
انا امتحانى فى شهر عشره ان شاء وبجيب الناس بإعجوبه والله وبدوخ لما بلاقى حد يدخل اللجنه
وبالظبط بكون متوتره كالعاده
هههههههههه
ربنا يستر انتى عاديتى مرجلتك عقبالى انا كمان
ههههههههههههه
ربنا يوفقك يارب ويصلح حالك
بحبك قووى
انوسه
طلاب
شوفتى الهنا
بنتحايل على الناس تيجى تتعلم
وكل واحده سايبه الطبيخ والاكل
ومصالحها وجاى تقضى الامتحان كلام
الحمد لله عدت على خير
يعوضك فلوس اكثر من راحت
طب كنتى قولى كنت جبتلك خمس من العُبط اصحابى هما مش عُبط بس لامة بيسوقه العبيطة الله اكبر عليهم يخليكوا تحس ان الدنيا لسة بخير وما كان حد فيهم هيكليفك كتير كل واحد علبة سجاير وسندوتش كشرى وازاة بريل ابو رغوة المساءلة بسيطة خالص
اما عن الذكاء فمش هاوقولك اللهم لا حسد الواحد فيهم يقول لكوز الدرة قوم وانا اقف مكانك
الموضوع بسيط خالص
تستاهلى ال تعملى فيها ميس وتروحى تعطى لبتوع محو الامية وبعدين مبتعمليش لية زى المتعارف علية المتبع فى الحالات دى يعنى تجيبى ناس متعلمة وتدخليهم ويحلوا انا اعرف ان دا ديما بيحصل
بس عارفة اللى مفرحنى انك بقيتى مفلسةةةةةةةةةةةةةةةةةةة ههههههههههههههههههههههه
يا مفلسةةةةةةةةةةةةةةةة
نياهااااااااااااااااااا
اتمنى ربنا يوافقلك كل خير يارب ويتملك موضوع محو الامية دا على خير ويوافقلك الطلابة ان شاء الله
اختى العزيزة دمتِ يارب بكل حب و ود وفى رعاية وحفظ الله دائما
السؤال المهم باه بعد معملتى دا كله تفتكرى هتشتغلى :))
اوعى تفكرى انى بحبطك او كأبك مثلا ابسلوتلى انا بس بفرحك:)
باين كده انى محتاجه كورس فيها
البوست لذيذ والاجمل والالذ الناس اليى بتمتحن
ربنا يعينهم
والله شكله يوم تحفه :)
ابقى خدينا معاكى المرة الجاية ههههههههههههههههه
المهم انك استمتعتى بوقتك
الا ينفع انجح فى الامتحان دييييه
وادينى اى حاجه
ولا يعنى مصروفك يطلع للناس الغريبه
احنا اولى
سلامتك من ضربه الشمس
مش عارف النظام الاهبل اللى هما عملينه ده ليه بس بمناسبه الفلوس فكرتينى بالفلوس اللى كنا بندفعها للحالات عشان نكشف عليهم واحنا بنمتحن دفعت فيوم 200 جنيه ههههههههههه صباح العسل يلا الحمد لله بكره اجيبهم .......
و مبروووك
ضياع المصروف هههههههههههه
الا هو الإمتحان كان ايه اسئلته
يعنى التعجيزية اوووى ديه
و سلامات لمشروع محو الأمية
فعلاَ استكراد و ضحك على الناس
نقول مبروك مقدماً ان شاء الله, ولو على المصروف بسيطة ان شاء الله, وزى م عملنا مدونة والكل اشترك فيها فإحنا ممكن نعمل صندوق على باب المدونة هنا ونقول (اتبرع يابيه, اتبرعى يا هانم), هنظبطها يعنى متقلقيش :)
بالتوفيق ان شاء الله ديالا,
تقبلــى مرورى,
مع خالص تحيــاتى.....
متقلقيش انتي
انا انا اجيلك ياقمر وامتحن ياقمر
ومتخفيش ربنا يستر واعرف احل انا كمان
علي رايك طب والله واحده صاحبتي امبارح راحت تساعد جارتها في الطبيخ
عشان تيجي معاها الامتحان لانها يوم الامتحان كان عندها عزومه
وربنا اخر ذل
ربنا يعوضني يارب
ان شالله حتي بعشره جنيه اهو اي حاجه
اهئ اهئ اهئ
يارتني كنت اعرف وانا كنت جبتلهم حتي سندوتيش كفته
اهو كان اوفر من الفلوس الي دفعتها
ربنا يخليك يارب
كفايه روح التعاون بتاعتك
كده فرحان فيا طب يارب انت كمان تفلس وانا افضل لضحك عليك لمده 550 ساعه
ياشرير
سعيده بمرورك جدا ياقمر
ادرس لمين يابنتي
هو في اصلا حد بيجي غير يوم الامتحان
سعيده بمرورك
لااااااااااااا طبعا مش هشتغل
انا بس قلت اعمل الي عليا عشان مفيش حد يتحجج بس عشان بس ابقي ريحت ضميري
دايمات كده منوراني ياسكره
انا فعلا محتاجه محو اميه
ياعيني علي الكليات الي اتخرجنا منها
بس فعلا انا عشان قسمي كان لغات فنسيت الرياضيات خالص
اعمل ايه العيب من الكليه
مرسيه لمرورك
لا مفيش الزام
بس لو في مسابقات نازله في مديريه التربيه والتعليم يشترط فيها اني اكون عامله محو اميه
فبنعملها قال ايه عشاتن نشتغل وده علي راي شيما اني عندي امل اني اشتغل
فعلا والله كان يوم جميل مع انه صعب جدا وارهقني
منوراني ياجمل كيارا
الله يبارك فيكي
عقبال ماافرح بيكي يارب
خلاص هخدك عايا
بس انت الي قلت وافتكر
شكرا لمرورك
الحمد لله انها عدت علي خير
وفعلا استمتعت جدا بوقتي
المره الجايه هخدك معايا
ومصروفي يروح لناس اعرفها احسن
منورني دايما
اعمل ايه بس ماهو المضطر
وانا كنت محتاجهم ضروري
وبعدين ماانت طلعت زيي اهو
منورني ياحوده
الاسئله كان رياضيات وانا كنت فاشله في الحساب
وفعلا بقي محو الاميه ده اسمه استعباااااااااااااط
والحمد لله عدت علي خير
مرسيه لمرورك
لا كده هشحت بعد كده لو في امتحانات تانيه
والحمد لله انه عدي علي خير
طب انا مستنيه التبرعات
ومليش دعوه انت الي قلتلي
وحسنه قليله تمنع بلاوي كتيره
وهنيالك يافاعل الخير والثواب
ومرسيه ياعبدالله
لامر هام
يختص بينا كأسرة واحدة
يلا ان شاء الله يبقى بفايدة
وربنا يحنن قلب مامتك وباباكي عليكي
هههههههههههه
ربنا معاكي في مغامراتك الجاية
مع السلامه
ايوه ادعيلي ربنا يخليكي
اللهم حنن قلب امي بابا عليا واخد بدل فاقد
متشكره لمرورك يامروه
ايون هي نحو مش محو الامية
بجد كان نفسي ابقى معاكي النهاردة الحمد لله ان الامتحانات عدت على خير وان شاء الله تنجحي
وبالنوسبة للمصروف ف ازاي تشيلي همه وانا موجودة تحت امرك طبعا من ربع جنيه ل جنيه بحالو نياهاهاهاها يلا ان شالله محد حوش :)
بقي ينفع كده ربع جنيه وجنيه
انت عايزه الشرقاويه يقولوا علينا انا احنا دمياطه ولا ايه
ياجماعه علي فكره والله مش هزار الدمياطه كرما جدا
بس جربوا انتوا بس وتعاملوا معانا
نورتيني ياليدي