السبت، 16 مايو 2009

البقاء لله ياحب العمر

حاسه اني مكسوره والحزن مالي قلبي وعنيا مش عارفه اتكلم ومش عارفه حتي اتنفس ببص لكل حاجه في ذهول قلقانه عليه وحزينه جدا

نفسي اعمله اي حاجه ومش عارفه حاسه اني متكتفه

دي الحاجه الوحيده الي مقدرش اعمله فيها اي حاجه

لوكان عمري قصاد دمعه واحده منه يهون عمري كله ومحسش جوه قلبه او عينه اي دمعه

مكنش بايدي اي كلمه اقولهاله غير شد حيلك والبقاء لله طب اقوله ايه غير كده وكلام ايه الي يوصف الي انا حساه دلوقتي
اقوله يعني اني بموت في الثانيه مليون مره

ولا اقوله اني من غيره مش عارفه اعيش ثانيه واحده

مش عارفه حتي اكلمه اسمع صوته احس بنفسه مش عارفه

كان هوا الي بيقويني لما بحس باي ضعف

طب ودلوقتي مين الي هيقويه ويقف جمبه

مين الي هيمسح دمعه عينه من قبل ماتنزل
يارب بجد محتاجلك

اقف جمبي يارب حاسه اني بجد مش عارفه اتنفس من غيره
صبره يارب وصبرني

وعلي بعده يارب قدرني

يارب صبره علي فراق حبيبه يارب

يارب صبرنا علي فراق الاحبه

3 Comments:

  1. Unknown said...
    حقيقة مدونة هادئة ومريحة والبقاء لله فى وفاة الشاب محمد علاء مبارك رحمه الله وألهم أباه وأسرته الصبر والسلوان _ حقيقى فاجعة لأسرته ربنا يرزقهم الصبر .
    Diyaa' said...
    ربنا يرحم الإنسان اللي بتتكلمي عنه ويغفرله ويصبر والده ووالدته ويصبرك
    ديالا said...
    شكرا جدا علي عزائك ليا وللانسان الي بتكلم عنه لانه فعلا غالي عندي جدا ويارب يتقبل دعائك ودعائي ليه يارب وجزاك الله خيرا

Post a Comment



Template by:
Free Blog Templates