ربما
قبل أسبوع واحد
الأربعاء، 27 مايو 2009
مين فينا ملون وشه بالف لون
مين فينا مخباش دمعته عن العيون
مينا فينا ملبسش القناع
مين فيناظلم؟ ومين فينا باع؟
مين فينا مش كده؟
مين فينا عيونه بتضحك وهيا متنكده؟
شيل قناع الفرح
وابكي علي قلب انجرح
شيل قناع الالم
وابكي علي قلب انظلم
اغسل وشك من الرتوش
اغسل وشك وخليك بشوش
اوعي تفضل في سيرك الحياه مجرد بهلوان
واوعي تفضل ترسم وشك بالفرح وبالالوان
لو احتجت للضحكه اضحكها
ولو احتجت للدمعه ارسمها
خليك في الدنيا زي طفل برئ
وارسم بضي عينك ضحكتك جوه الطريق
واوعاك تتوه في بحر الحياه وتكون غريق
ده الي يستحق يعيش الحياه لازم يكون جرئ
بس ارجوك شيل القناع
7 Comments:
Subscribe to:
تعليقات الرسالة (Atom)
m.jpg)
جميييييله جدا كلماتك بجد
محتاجين فعلا نعيش فى دنيا من غير اقنعه
عشان نكون حقيقين ومش مزيفين
تسلم ايديكى ياقمر
المشكلة فى اللى بيلبس قناع الطيبة لخداع خلق الله
هو ده المزيف اللى لازم يشيل القناع
دمتِ بكل ود
(:
بساطة الكلمات والمعانى اللى فية ملهاش حل
بالتوفيق دايما
فى حديث عن رسول الله صلى الله عليه وسلم قال تبسم فى وجه اخيك صدق رسول الله صلى الله عليه وسلم
وسعات الانسان فعلا بيكون جواه هموم الدنيا ولكن اجبارى عليه انو يبتسم فى خلق الله لئما يعد فى بتهم
ولكن قناع الغش والخداع ذى الاقنعه الى بتلبسهم كتير من الشباب لخداع البنات بحبك ومش هسيبك وكدا وهوا من جواه مكر وخداع ومكايد لها
بجد اتمنى عوده الحيااااااء مره اخره
احساسك عالي اوي وبعدين هوا لسه في بنات زيك كده؟
بجد احساسك بهرني ومدونتك كمان رائعه وبجد يابخت الانسان الي هتكون الاحاسيس دي من نصيبه
وباذن الله هكون متابع للمدونه دائما
مع حبي واحترامي\
عجبتنى جدا
تسلم ايدك
واضح انك موهوبة
ربنا يوفقك