الخميس، 18 يونيو 2009
شهريار:شوشو ينفع كده الي عملتيه امبارح تنامي وتسبيني
شهرازاد:اعملك ايه بس ياشهر ماانا كنت عايزه انام
شهريار:طب يلا اخلصي وكملي بقي حكايه قطر الندي
شهرزاد:حاضر ياسيدي هقول اهو
بلغني الايها الملك السعيد ذو الرأي الرشيد
ان قطر الندي وهيا بتسمع المنادي بيقول:
توفي الي رحمه الله فقيد الشباب
(الملاك الطيب)
فضلت قطر الندي مصدومه وتقول معقوله يكون هوا
لا لا مش معقول
لحد مااتأكدت من صحباتها انه:
مات وهو بيتوضي اتكهرب وهو بيسند علي الغساله
هيا مش كانت بتحبه الحب بمعناه يعني
لانها تعتبر لسه طفله
بس كان عزيز عليها لانه كان محترم اوي وطيب اوي
وراحت قطر الندي تاني يوم المدرسه
وكانت اول مره في حياتها
تلبس اسود حداد علي موت حد
ولما راحت المدرسه تفجأت
ان كل الي فيها منهار بسبب موته
وفضلت قطر الندي ايام وليالي
زعلانه علي الملاك الطيب
وروحي ياأيام وتعالي ياأيام
ودخلت قطر الندي الثانوي
يعني دخلت في مرحله المراهقه
بس كانت قطر الندي مش بتحب تتعامل مع اولاد خالص
كانت بتقول عليهم دايما مخلوقات رخمه وغلسه
وكان اجمل حاجه ان مدرستها كانت بنات بس
بس في الدروس كان معاها اولاد
وكان في بعض الاولاد نفسهم يكلموا قطر الندي
بس طبعا قطر الندي بتسترخم الاولاد
وعارف ياشهرزاد:كان بيحصلها مواقف طريفه اوي
وتموت من الضحك
يعني مره كان في ولد من الاولاد الرخمين دول
كانوا في درس الكمياءوكان
قاعد في الديسك الي وراها
ففجأه لقت صوت بيقولها من وراها
بحبك ياقطر الندي
طبعا قطر الندي اسم علي مسمي
زي الندي وساعات زي القطر
لفت وشها وبصتله بصه زي الفل
وكان جمبها زجاجه ميه معدنيه ام جنيه ونص
والحمد لله اخد شاور محترم بيها
ومن يوم الموقف ده
والاولاد معاها سموها اسم حلو اوي
الشاويش عطيه
طبعا اسم في منتهي الرومانسيه
وكان اي حد يحب بس يجرب
انه يكلمها حتي لو صباح الخير
يلاقي الشاويش عطيه محضر
بنتدقيته فعلي طول يجري
ويقول يافكيييييييييييك
وروحي ياأيام وتعالي ياأيام
ودخلت قطر الندي 3 ثانوي
وكما هيا العاده حولت قطر الندي من علمي لادبي
بعد مجموعها العالي اوي(80%)
في سنه تانيه ثانوي
رغم ان كان حلم حياتها تكون مهندسه ولما الحلم ده اتدمر
مبقاش فارق معاها
وفي 3 ثانوي
مكنتش تعرف انها هتقابل
الشخص الي هيحول حياتها من النعيم للجحيم
اسمه الجارح الخائن
كان اكبر منها ب 5 سنين
وكان هيموت عشان بس تبصله بصه صغننه
بس هيا طبعا ولا في دماغها
كان يسيب كليته ويستناه ادام مدرستها
عشان بس يشوفها
وطبعا حاول يكلمها
بس ايه اخد درس محترم عمره في حياته ماينساه
اتهزأ ادام كل بنات الثانوي
وبعد الموقف ده كان يبصلها من بعيد لبعيد
وروحي ياأيام وتعالي ياأيام
ونجحت قطر الندي
لولولولولوي
معلش ياشهريار ماهي الاميرات برضه بيزغرطوا
وجابت مجموع حلو
وكان ادامها خيارين لاما تدخل
تجاره انجلش
لاما كليه تربيه
واستخارت ربنا ودخلت تربيه
قسم لغه......
وعشان حظها وحشششششششششششششش
وعشان كان مكتبولها الحزن في حياتها
مين كانت زميلتها في الكليه....
كانت كانت.......
كوكوكوكوكو
وهنا أدركت شهرزاد فسكتت عن الكلام المباح
ونكمل بقي المره الجايه
يلا بااااااااي
الأربعاء، 17 يونيو 2009
شهريار:شهرزاد حبيبتي مش هتحكيلي بقي حكايه قبل ماانام ياشوشو
شهرازاد:وانا ممكن انام ياشهر انت ياقمر قبل مااحكيلك الحكايه
شهريار:طب وحكايه النهارده اسمها ايه ياشوشو
شهرازاد:حكايه قطر الندي والاميرالنبيل
شهريار:يلا بسرعه ياشوشو انتي شوقتنيني اوي ليها
شهرازاد:بلغني ايها الملك السعيد ذو الرأي الرشيد انه
من زمان بس مش من زمان أوي يعني
في بلد بعيده عن العاصمه اتولدت بنوته
اسمها قطر الندي كانت بنوته أموره
عينها بلون الشيكولاته وشعرها نفس اللون
وكان الكل بيتعجب لجمال ابتسامتهاورقتها
وفاتت سنين قليلين وكبرت قطر الندي
ودخلت كيجي 1 عرفت وقتها
ان الدنيا فيها ناس تانين غير اخواتها واقاريبها
فحاولت قطر الندي تعيش الحياه الجديده
وروحي ياأيام وتعالي ياأيام
ودخلت قطر الندي 3 ابتدائي
ومش كانت تعرف خالص يعني ايه حب الولد للبنوته
وفي يوم بتفتح كراسه العربي
لقت فيها حاجه كده مش كانت تعرف اسمها
الحاجه دي اسمها جواب
ومكتوب فيه بالحرف:
(بحبك ياقطر الندي,اتجوزيني
,
عشان خاطر ماما حبيني:الامضاء طفل صغنون)
فطلعت قطر الندي تجري علي
الميس بتاعتها وبتقولها ببرأه الاطفال
بيقولي عايز يتجوزيني ياميس أروح أضربه؟
قالتلها لأ البنوتات الأمورات
الشاطرين ميضربوش الاولاد
روحي قوليله انا بحبك عشان انت اخويا
وفرحانه اوي عشان بقي ليا اخ في الفصل بتاعي
وقالت فعلا قطر الندي الكلام ده للطفل الصغنون
وده كان اول موقف يعلمها ان الاولاد بيحبوا البنات
وروحي ياأيام وتعالي ياأيام
ودخلت قطر الندي 5 ابتدائي
وكان نفسها اوي تبقي رئيسه فصلها زي كل سنه
بس السنه دي ظهرت مشكله اسمها الملاك الطيب
الملاك الطيب كان زميلها في فصلها
وولد محبوب ومؤدب جدا
وكان بينافسها في انتخابات رئاسه فصلها
وفي يوم الانتخابات الموعود فاز الملاك الطيب
وزعلت قطر الندي اوي وفضلت تعيط
فرحلها الملاك الطيب وقالها:
متزعليش ياقطر الندي عشان خاطر ربنا
وقطر الندي تعيط
طب قالها طب خلاص
انا مش عايز ابقي رئيس فصل
وخليكي انتي الرئيسه بس متعيطيش
فقطر الندي قالتله امشي ياولد
من هنا لاحسن اضربك
قالها:طب بصي خليكي انتي المساعده بتاعتي
وانا مش هزعلك تاني خالص
وادالها كيس الشيبسي الي كان معاه
طبعا قطر الندي وافقت بعد الرشوه
وفي اخر يوم في السنه قالها انتي اطيب بنت
عرفتها ونفسي اوي لما اكبر اتجوزك
وكل واحد فيهم دخل مدرسه اعدادي منفصله
ومش شافته بعد كده
وفي يوم كانت قطر الندي
بتبص علي الغروب لانها بتعشق منظره
سمعت المنادي بيقول توفي الي رحمه الله تعالي........
كوكوكوكوكوكو
وادرك شهرازاد الصباح فسكتت عن الكلام المباح
ونكمل بقي المره الجايه
الثلاثاء، 16 يونيو 2009
دق الموت بابي
جاء لياخذني من اهلي وحبي وأصحابي
هل ساحزن؟ام سافرح؟
أأحزن علي عيون ملأها عشقي؟
أم أحزن علي فراق لاحبابي كتبه قدري؟
أم أحزن علي أمي الباكيه فوق قبري؟
أم أبي الذي راي روحي تفارق جسدي؟
ام علي حبي الذي انتظرته ليرسم معي حلمي ولم يأتي؟
أم أحزن علي دموع ورد بكي لفراقي؟
أم أحزن علي قمر تمزق لوداعي؟
وأحزن وأحزن وأحزن وبماذا يفيد حزني؟
أم أفرح للقاء ربي؟
او أفرح لزوال صمتي؟
ام افرح لذهابي لقبري؟
ام افرح لوداعي ليأسي؟
او افرح لجلاء همي؟
ثم أفرح وأفرح حتي أدخل الجنه ويرضي عني ربي
احبابي.....
لاتلبسوا سوادا حدادا علي موتي
البسوا ابيضا كأنكم جئتم تهنوني بيوم عرسي
فارقتكم بجسدي
ولكن لن تقدر روحي علي ترككم
فأنتم لا تعلمون مدي حبي لكم
صدقوني
لم يعرف الكره طريق قلبي
ولم ازرع يوما غير الورد في دربي
ولم اظلم يوما حبا دخل قلبي
حبيبي...
انتظرتك طويلا ولكنك لم تأتي
أحببتك كثيرا ولكنك لم تفكر يوما في حبي
سبقك الموت وجاء اليا
ولولا تركك ليدي ماتركتك ابدا
فوداعا....
وداعا امي..وداعا ابي
وداعا اخواتي..وداعا احبائي
وداعا ياحب العمر
ووداعا يادنيا الحياه
تذكروني دائما ولا تنسوني
تذكروا قلبا عاش غريبا ومات غريبا
قلب احب كل شئ في هذه الدنيا
ولكن تخلت عنه الدنيا
تذكروني وعندما تتذكروني
ادعوا لي بالرحمه والجنه
ورؤيه وجه ربي الكريم ورضاه عني
وداعا
الخميس، 4 يونيو 2009
من زمااااااااااااااان من وانا صغيوره اوي
كنت بحلم اني اكون ملكه في مدينه الفرسان
وكل الفرسان الي في المملكه يحلموا يخطفوني علي الحصان الابيض
والمح انا من بعيييييييييد فارس بيبصلي وساكت
وعيونه تقولي انه اكتر قلب بيخاف عليا وبيحبني
وانه مستعد يخبيني جوه قلبه
عشان يحميني من نفسي ومن ارق نسمه هوا ممكن تيجي تطيرضفايري
وياخدني علي الحصان الابيض ونروح بعيد
علي مملكه غير مملكه الفرسان
مملكه قلبه
بس لما كبرت عرفت اني مش ملكه
ومفيش مملكه فرسان
واكيد مفيش فارس علي حصان ابيض
وكل ده مجرد احلام بنات
الثلاثاء، 2 يونيو 2009
النهارده بجد انا طايره من الفرح
وعمري في حياتي مافرحت زي النهارده
النهارده بقيت خالتو مع سبق الاصرار والترصد
لاجمل نونو في الدنيا
سيف حبيب قلب خالتو
طبعا استاذ سيف دخل التاريخ من اوسع ابوابه وده ليه بقي؟
اولا:عشان انا خالته الوحيده
ثانيا:انه ابن اختي انا شخصيا
ثالثا:اني هشارك في تربيه الاستاذ
رابعا:وده الاهم ان الاستاذ شبه خالتو يعني قمر
فبجد اي طفل في العالم هيحسده لانه عنده المميزات الهائله دي
طبعا بقي انا لما شفته وهو خارج من العمليات انا شلته واخدته في حضني
يانهار ابيض كنت هطير
وايه ده اخدت اللقب وبقيت خالتو
بجد ربنا يخليه ليا ولمامته لانه بجد تعبها اوي الاستاذ ده
وربنا يستر بقي عليه من شقاوة خالته الايام الي جايه
الاثنين، 1 يونيو 2009
كان نفسي اوي اعيش معاه
كان نفسي بجد اشوفه
كل يوم بفضل ابكي قبل ماانام عشان اشوفه
ناس كتير شافته وكان نفسي بجد اشوفه
كنت اتمني اعيش في عصره
واترحم من الدنيا الوحشه دي
يمكن حظي كان كويس لما سمعت صوته
احن صوت ممكن يسمعه بشر
بس بجد طمعانه في اكتر من كده
نفسي اشوفه
واحكيله همي
ويطمني بابتسامته الطيبه
وهو في اجمل من ابتسامه خير خلق الله
محمدصلي الله عليه وسلم
بيقولوا انه اجمل من البدر ليله تمامه
بجد نفسي اشوفه
وبجد نفسي اتكلم معاه
هحكيله عن كل حاجه
هقوله انه وحشني جدا
واني فعلا بحبه جدا
واني كان نفسي اعيش معاه في عصره
واتعلم كل حاجه في دنيتي منه
اغلي امنيه في حياتي اني اشوفه في منامي
اللهم نولني هذه الامنيه
واللهم صلي وسلم وبارك علي خير خلق الله
محمد صلي الله عليه وسلم
الأحد، 31 مايو 2009
عندما اخبرها انه اعطاها ثقته وهيا كانت شئ غالي جدا لم يعطيها لامرأه قبلها لم تصدق
نفسها وكادت ان تطير فرحا
ولكن لم تلبث ان تلاشت هذه الفرحه فقدرها ان رزقها بصديقه اخترعت جميع انواع الكذب
واباحت لنفسها ان تقوم
بتاليف بعض الاكذوبات الساخره التي دخلت
لتحطم الثقه التي اعطاها اياها بعض فتره طويله
اخبرها انه لم يصدق هذه الاكذوبات وان مايهمه هو تعامله معها
ولكن هيا لم تصدق ذلك فما سمعه كفيل ان يهدم اي ثقه بين رجل وامراه
اصابها الذهول من الكلام وكادت تصرخ من الالم
ولكن اصابها الاعياء من صدمه الكلام فما قالته هذه الصديقه لم يكن
يمت للواقع باي صله
وعندما اخبرها ذلك قال لها لااريدك ان تعرفي هذه الصديقه مره اخري
ولا حتي تلقي عليها التحيه
ولكن لم يمر يومين واخبرها ان تسامحها
وان رأتها لن يضرها شيئا اذا القت عليها السلام
وقتها دار ببالها كل الظنون
انه يصدقها نعم يصدقها
او علي الاقل يفكر في كلامها
او علي الاقل صدق بعضه
فاخبرته انها ستسامحها انها حقا سامحتها من كل قلبها
سامحتها فيكفيها حقا ما تحمله الصديقه من ذنوب
ولكن انها تكاد تشعر باحساس غريب تشعر بانه يبعد عنها تدريجيا
انه فعلا يحدثها ويطمئن عليها دائما
لكن احساسها يكون غالبا صحيح انه يريد ان يبعد
ولكن لايريد ان يشعرها ان السبب في البعد هذا الكلام لانه سبق
واخبرها انه لا يعينه هذا الكلام
غالبا ماينتابها احساس بالقهر والظلم
تريد ان تصرخ وتخبر الجميع انها
ورب العرش بريئة من كلام هذه الحية
ولكن ان صدق الكلام لاتستطيع هيا ان تنفيه
فهيا تترك كل شئ لقدره الخالق
فانه قادر علي ان يظهر الحق ولكن مايؤلمها حقا ان
اغلي شخص عندها في الوجود
وملجاها الوحيد من الحزن والشخص الذي تستند عليه اثناء المحنه
هو نفس الشخص الذي بدأ يسحب ثقته تدريجيا بعد هذه الاكاذيب
انها تختنق وتموت في الدقيقه الف مره
يخنقها الظلم يخنقها الغدر ويخنقها البعد
ولكن ماذا تفعل ؟اذا كان حقا كان عرفها جيدا
لما كان صدق هذه الاكذوبات
وللكن هذا حال الدنيا الجميع يتكلم والجميع يصدق
ورب الوجود وحده يعلم مافي القلوب
وان كانت هذ الصديقه تكلمت عنها بسوء فيكفيها هذه المقوله:
(الكلاب تعوي والقافله تسير)
;;
Subscribe to:
الرسائل (Atom)
m.jpg)
