ربما
قبل أسبوعين (2)
الخميس، 18 يونيو 2009
شهريار:شوشو ينفع كده الي عملتيه امبارح تنامي وتسبيني
شهرازاد:اعملك ايه بس ياشهر ماانا كنت عايزه انام
شهريار:طب يلا اخلصي وكملي بقي حكايه قطر الندي
شهرزاد:حاضر ياسيدي هقول اهو
بلغني الايها الملك السعيد ذو الرأي الرشيد
ان قطر الندي وهيا بتسمع المنادي بيقول:
توفي الي رحمه الله فقيد الشباب
(الملاك الطيب)
فضلت قطر الندي مصدومه وتقول معقوله يكون هوا
لا لا مش معقول
لحد مااتأكدت من صحباتها انه:
مات وهو بيتوضي اتكهرب وهو بيسند علي الغساله
هيا مش كانت بتحبه الحب بمعناه يعني
لانها تعتبر لسه طفله
بس كان عزيز عليها لانه كان محترم اوي وطيب اوي
وراحت قطر الندي تاني يوم المدرسه
وكانت اول مره في حياتها
تلبس اسود حداد علي موت حد
ولما راحت المدرسه تفجأت
ان كل الي فيها منهار بسبب موته
وفضلت قطر الندي ايام وليالي
زعلانه علي الملاك الطيب
وروحي ياأيام وتعالي ياأيام
ودخلت قطر الندي الثانوي
يعني دخلت في مرحله المراهقه
بس كانت قطر الندي مش بتحب تتعامل مع اولاد خالص
كانت بتقول عليهم دايما مخلوقات رخمه وغلسه
وكان اجمل حاجه ان مدرستها كانت بنات بس
بس في الدروس كان معاها اولاد
وكان في بعض الاولاد نفسهم يكلموا قطر الندي
بس طبعا قطر الندي بتسترخم الاولاد
وعارف ياشهرزاد:كان بيحصلها مواقف طريفه اوي
وتموت من الضحك
يعني مره كان في ولد من الاولاد الرخمين دول
كانوا في درس الكمياءوكان
قاعد في الديسك الي وراها
ففجأه لقت صوت بيقولها من وراها
بحبك ياقطر الندي
طبعا قطر الندي اسم علي مسمي
زي الندي وساعات زي القطر
لفت وشها وبصتله بصه زي الفل
وكان جمبها زجاجه ميه معدنيه ام جنيه ونص
والحمد لله اخد شاور محترم بيها
ومن يوم الموقف ده
والاولاد معاها سموها اسم حلو اوي
الشاويش عطيه
طبعا اسم في منتهي الرومانسيه
وكان اي حد يحب بس يجرب
انه يكلمها حتي لو صباح الخير
يلاقي الشاويش عطيه محضر
بنتدقيته فعلي طول يجري
ويقول يافكيييييييييييك
وروحي ياأيام وتعالي ياأيام
ودخلت قطر الندي 3 ثانوي
وكما هيا العاده حولت قطر الندي من علمي لادبي
بعد مجموعها العالي اوي(80%)
في سنه تانيه ثانوي
رغم ان كان حلم حياتها تكون مهندسه ولما الحلم ده اتدمر
مبقاش فارق معاها
وفي 3 ثانوي
مكنتش تعرف انها هتقابل
الشخص الي هيحول حياتها من النعيم للجحيم
اسمه الجارح الخائن
كان اكبر منها ب 5 سنين
وكان هيموت عشان بس تبصله بصه صغننه
بس هيا طبعا ولا في دماغها
كان يسيب كليته ويستناه ادام مدرستها
عشان بس يشوفها
وطبعا حاول يكلمها
بس ايه اخد درس محترم عمره في حياته ماينساه
اتهزأ ادام كل بنات الثانوي
وبعد الموقف ده كان يبصلها من بعيد لبعيد
وروحي ياأيام وتعالي ياأيام
ونجحت قطر الندي
لولولولولوي
معلش ياشهريار ماهي الاميرات برضه بيزغرطوا
وجابت مجموع حلو
وكان ادامها خيارين لاما تدخل
تجاره انجلش
لاما كليه تربيه
واستخارت ربنا ودخلت تربيه
قسم لغه......
وعشان حظها وحشششششششششششششش
وعشان كان مكتبولها الحزن في حياتها
مين كانت زميلتها في الكليه....
كانت كانت.......
كوكوكوكوكو
وهنا أدركت شهرزاد فسكتت عن الكلام المباح
ونكمل بقي المره الجايه
يلا بااااااااي
8 Comments:
Subscribe to:
تعليقات الرسالة (Atom)
m.jpg)
بجد روعه
انا برضه عارف الموضوع ده
بس كلهم حلمهم هندسه
والله دخلتها
وزى الزفت
خير
انا عارف اللى بتكتبيه بالنص والله
انا كنت ثانوى السنه اللى فاتت
كلامك واصلنى كله
ومتابع
لحد يوم ما شهرزاد
تقطع رقبه شهريار
اهلا اهلا قطر الندى حبيبتي هو ده الاسم الكودي للبنات اللي بتسترخم الولاد السيس
واوعي تكون قطر الندى دخلت قسم لغة انجليزية بعيد عن السامعين
زعلت اوي ان الملاك الطيب مات فعلا كل الملايكة الطيبين بيموتو بدري
الحدوتة جميلة اوي واسلوبك رائع بجد
و
انا هغتال الديك ده
هو بيصحى فى اوقات مش حلوة بقى هه ):
ماهو لما الولد يلاقى بنت محترمة يقول عليها الشويش عطية .. مع انه اصلا لما يفكر يرتبط بيدور عليها
قمة التناقض
متابعة ^_^
النوع المحترم ده بقى نادر قوى
وعلى فكرة الديك ده شاكله كده حيشتغللى فى الأزرق
بس يا خساره على أيامه ماكنش فيه أنفلونزا الطيور ..كان صاحبك شهريار إتلكك وأمر بإعدامه وخلصنا من رخمته .
ع العموم نستحمله عشان خاطر الحدوتة الحلوة ده
وشكرا ..... شرفتينى بزيرتك
بس دي شكلها حقيقية .!!
المهم البقاء لله في الملاك الطيب
ومتابع إن شاء الله
بس خلوا الديك ده يكوكو متأخر شوية
انتي تنفعي شهرزاد بحق ودي مش مجامله
اول مره امر مدونتك
اسمها جميل وشكلي حاكون من زوارها
اتمنالك الخير والحب
جميله قوووى قووى سرد القصه
انت بجد هايله وتستحقى كل الشكر
احيك على ما كتبتى لنا حبيبتى
ربنا يديم عليكى
استمرى واحنا معاك
ايناس
عموما فى انتظار الباقى يا سيادة الشاويش عطيه:))