الأحد، 21 يونيو 2009
شهريار:انت ياسياف تعالي اقتل البت دي وريحني
السياف :حاضر يامولاي
شهرازاد:ايه ده بقي وهو احنا فينا من كده
شهريار:عشان انتي جبتلي الضغط وكل يوم تنيمني
وانا محتار ايه الي هيحصل لقطر الندي بكره
شهرازاد:خلاص ياابني هكملك النهارده الحدوته
شهريار:لما نشوف ويا انا ياانتي ياست شهرازاد
شهرازاد:بلغني ايها الملك السعيد ذو الرأي الرشيد
ان الصدفه لعبت دور مهم جدا في حياه شهرازاد
بعد كل الالم الي شافته والوجع الي حست بيه
هيا فعلا اصبحت مش بتثق في اي حد علي وجه الارض
ويشاء ربنا انها تصادف امير من العصور الوسطي
ادب ايه واخلاق ايه ونبل ايه بجد عثل عثل عثل
هيا كان كل حلمها انها تقابل بجد امير من مملكه الفرسان
وسبحان الله شاء ربنا انها تقابل الامير النبيل
الامير النبيل عرفته صدفه
بجد كان حد حنين جدا ومتفهم جدا
ومحترم ومهذب لدرجه لايتصورها بشر
لقت نفسها بتحكيله عن كل حكايتها
ولقته بعد ماكان صديق وفي جدا ليها
اصبح حبيب ليها
كان فعلا شعور غريب بالنسبه ليها
والله حاولت انها تحارب الشعور ده
بس صدقني ياشهريار معرفتش
كان كل يوم حاجه بتزيد جواها
الامير النبيل
غير حاجات كتير اوي اوي جواها
كفايه انه رجعلها الابتسامه تاني
وبقت واثقه جدا من نفسها
وبقت بتحب الناس اوي
حتي عنيها بقت فيها لمعه غريبه اوي
وبقت ايديها تكتب لوحدها الشعر فيه
مهما اقولك ياشهريار
اد ايه كانت اخلاقه نبيله مش هتصدقني
كان بيخاف عليها اوي
ومحاولش يجرحها بكلمه
بالعكس كان بيراعي احساسها جدا
كانت علي طول قطر الندي وهيا بتصلي لربها
تدعيله 3 دعوات بس
ان ربنا يحميه ويحفظه ويرزقه بالزوجه الصالحه
لانها بجد حبيته اوي اتمنيتله من قلبها اوي
انه يكون سعيد
حتي لما كانت بتقرأ أذكار الصباح والمساء
كانت بتقرأ ليها مره وليه مره
كانت كل ثانيه بتدعيله
حبها ليه علمها ازاي تكون راقيه باحساسها
حتي وهيا عارفه انه مش هيبقي ليها
كانت عارفه انه هيجي اليوم
والقدر هيفرقهم
بس كانت بتدعي دعوه صغيره بينها وبين ربها
انه يكون زوجها في الاخره
ربها وحده الي يعلم هيا أد ايه بتحبه
وأد ايه بتمناله الخير من كل قلبها
وفي يوم تاني بس القمر
فيه مظهرش في السما خالص
لقت قطر الندي نفسها
علي شط البحروبتبص للنجوم وبتسألها
قمر سماكي فين يانجوم؟
ردت النجوم وقالتلها غاب قمري عن سمايا
زي ماغاب قمرك عن سماكي
اضحكي ياقطر الندي
أميرك وقمرك سعيد وفرحان
اضحكي واتمنيله الخير
قالتلها والله مفيش حد فرحان له قدي
قالتلها خلاص ابتسمي للدنيا
وكفايه انه جوه في قلبك ينورلك طريقك
ولسه صورته ضي في عنيكي
عشان تكملي بيه حياتك
سكتت قطر الندي وقالت للنجوم:
بجد مهما قلت فيه الكلام مش هوفيله حقه
كفايه انه هو الي خلاني احب الدنيا
وشاورت قطر الندي للنجوم وقالتلهم:
تصبحوا علي خير ويارب تلاقوا قمركوا الي ضايع
ومشيت قطر الندي بعيييييييييييييييييييييييييييييد
ومفيش حد عرف راحت فين لحد دلوقتي
شهرازاد:وتوته توته خلصت الحدوته حلوه ولا بنتوته
شهريار:تصدقي بقي انتي بت رخمه ياشهرازاد
شهرازاد:ليه كده يابيبي وهوا انا عملتلك ايه؟
شهريار:حكاياتك كلها غم
شهرازاد:خلاص بعد كده هجيبلك قصص
من نايل كوميدي ولا موجه كوميدي
اصلك تافه وبتحب الحاجات الروشه
شهريار:ياسيااااااااااااااااااااااااااااف
السياف:خير يامولاي
شهريار:هات سيفك
وادبح
وادبح
قلبي مش مطاوعني اقولها
وادبح الديك ده
اصلي جعان اوي
هههههههههههههههههه
كده انا خلصت حكايه قطر الندي والامير النبيل
ويارب مااكون طولت عليكوا
والسلام الختام وما يحلي الكلام الا بذكر
سيدنا النبي عليه الصلاه ةوالسلام
سلااااااااااااااااااام
21 Comments:
Subscribe to:
تعليقات الرسالة (Atom)
m.jpg)
ثانيا اتمنى يكون عصر شهريار انتهى وميطلعلناش واحد تانى
وريه وسكينه وكدا بقه
اقسم بالله اداء رائع
والله اسلوب مفيش بعد كده
عاجبنى شخصيا
وهناخد الموهبه دى معانا فى المجله اللى هنشرها
لو بقى عندى جريده
بجد اسلوبك روعه قوى
والبت شهرزاد دى
من اول الكتاب وانا نفسى اقطع راسها
بس يلا خير
هههههههههههههههه
بجد انتى عسل قووى
ويعنى انا مش ليا حته من الديك
هههههههههههههههه
ربنا يوفقك يارب
هايله قووى
انوسه
الا انها سعيدة بشهريار ^_^
بس هو يعنى الامير النبيل ده اتجوز ولا راح فين ؟؟
اصل مافهمتش الصراحة ):
بس تصدقى باايه "قولى لا اله الا الله" انا فرحانه ان الديك ده هيتدبح احسسسسسسسن علشان كان مطلع عينى من اول الحكاية "شريرة انا عارفة نيهاهاهاهاهاهاها "
^_^
بس هو كان لازم يدبح الديك يعني ههههههههه
كان سابه يسليهم
تقبلي مني التحيات
لانى بعد بوست سندريلا اختفيت ولسة راجع النهاردة
اعتذ جدا ولى عودة ثانية باذن الله
:))))))))))
واسلوبك شيق بيجذب الواحد للاخر وبيخليه يكمل يقرا غصب عنه
رائعة وأكثر
استمري
مودتي
وحكيتى بانسيابية عن احاسيس البنات .
دائما فى تقدم وإبداع
** ما تنسيش الاعلانات كليكايه فى السريع لاعلانات مدونتنا مش حتخسرى حاجة بس إحنا حنكسب وليكى نسبة فى الخسارة
----------------------------------------------
مع تحياتنا / حازم وهانى
اسلوبك جميل جدا
بس هو شهريار حيعزمنا على الديك
ولا حياكل لواحده
حتابع المدونه دائما بأذن الله
وحرجع اقرأ المواضيع القديمه
بس بعد الامتحانات
ونورتى مدونتى
وشكرا على زيارتك
تحياتى
رامى واصل
امممممممم
شكلى كدا هناااام
وتسلم ايديكى يا شهر زاد
^_^
اسلوبك هادىء
وسلس
تحياتى لك
عسل بجد ياديالا
ايه الحاجات الشربات دى
انا اول مره اشوف شهرذاد دمها خفيف كده
خلينى اشوفك وطمنيني عليكى
لانى لامة باكتب باكتب باحساسى وبشخصية واقعية ممكن تكونى ليا او لغيرى
بس مش هتفرق المهم انها موجودة وانا احساسى عمرى ما كدب عليا لانه هو اجمل حاجة فى حياتى
والحمد لله انا باغذيه كويس ومشاعره كلها حلال وكمان مهيله الجو الصافى البعيد عن مشاكل الدنيا برغم انى غارق فيها لكن احساسى
الحمد لله على دى نعمة
هههههههههههههههههههههههههه
تحياتى
ههههههههههههه
جميلة اوى ان كل حكاياتها غم
وكويس انها ذكية وهتتصرف من موجة او نايل كوميدى
خلية ما يذبحهاش
تسلم يداك
دمت بالف الف خير
سعداءبالمرور هنا وندعوك للأشتراك فى برنامجنا الأذاعى من الأذاعه الرئيسيه لمصر اى أذاعة البرنامج العام ويذاع يومياالتاسعه وعشر دقائق صباحا عدا الجمعه.
المدونه
http://netonradio.blogspot.com
الموقع
http://stop.to/cairo
تحاتنا وامنياتنا لك بالتوفيق
السلام عليكم ورحمة الله وبركاته
ديالا
تحياتى
بقى هى دى نهاية القصه !!!!!!!!!
تصدقى بقى انى انا زعلان على الديك
هو لو كان دبحها هى بقى انا كنت فرحت فيها هه
بقى دى اخرتها
لا الواد عارفينه راح فين ولا اتجوز مين
ولا البت بعد كده حد عارفلها سكه
ايييييييييييييه
بس خدى بالك
بعد كده ماينفعش انك تعملى اى قصه تانيه على اجزاء
ليه بقى
لان الديك اللى كان بيدن ويخلص الجزء اهه اندبح
ومافيش ديك تانى هيوافق انه يمسك مكانه
ههههههههههههههههههه
تقبلى مرورى وتحياتى
والسلام عليكم ورحمة الله وبركاته
فى منتهى الروعه
و اظن انتى سيبتيلنى نتخيل نهايتها على مزاجنا
انا هتخيلها نهايه سعيده ان شاء الله
ما تموتيش الديك اصل انا حبيته و بجد صعبان عليا قوى