السبت، 27 يونيو 2009
حاسه اني مخنوقه اوي
مع ان مفيش حاجه تحديدا مزعلاني
بس حاسه اني لسالي تكة صغيره
وانفجر
مش عارفه اروح لمين واقوله كده
ملقتش غير المدونه
وده لاني بعتبرها دفتر يومياتي
احساس انك مش فارق معاك اي حاجه
لما تحس انك محتاج حضن حد قريب منك
وتترمي فيه
وتفضل تبكي فيه
بس للاسف مش لاقي غير نفسك
صعب اوي تعيش لوحدك في الدنيا
والاصعب لو كانت نفسك اساسا مش متحملاك
نفسي ابكي
نفسي اصرخ
نفسي اروح بعييييييييييييييد
ابعد مكان في الكون
نفسي الاقيني
بجد انا مش لاقيه نفسي
لاقيه حد شبهي في ملامحي بس
بس انا كروح
مش لاقياني
والمشكله مش عارفه انا رحت فين
دورت علي نفسي كتير
وحولت ارجع زي ماكنت
وللاسف فشلت
صليت ودعيت ربنا
اني الاقيني
ياااااااااااااارب
ساعدني يارب
نفسي ارجع زي ماكنت
نفسي ترجعلي ابتسامتي
نفسي ارجع طفله تاني
طفله ميهماش اي حاجه من مشاكل الزمن
احساس طفله
وقلب طفله
بس يامين يرجعني تاني ويخدني لدنيتي
28 Comments:
Subscribe to:
تعليقات الرسالة (Atom)
m.jpg)
و ان شاء الله هترجعى لنفسك و تلاقيها
ربنا يفرج كربك ويزيح همك
اللهم امين
انا مسافره بكره ونفسى قبل ما اسافر اشوف احلى ابتسامه من اجمل بنت
مينفعش كدا
صلى وادعى ربنا واحنا كلنا جمبك ومعاكى
وحاولى تفكرى فى اى حاجه او تعملى اى حاجه غير انك مخنوقه
واحنا كلنا بندعيلك يا اجمل ديالا
ربنا معاكى ياحبيبتى ويفك خنقتك
حنين
واسوأ ما فيه بجد
انك مبتبقيش عارفه انتى متضايقه من ايه
ربنا يفرج همك ويكرمك يارب
بس لا الحزن بيدوم ولا الفرح بيدوم.ان شاء الله هتكون حاله مؤقته وتعدى زى غيرها.
كان نفسى يكون عندى الحل ليكى بس زى قولتلك دى حاله عامه.
ربنا يعديها ويهونها عليكى.
بجد مدونة حلوة اووووووووى ورقيقة جدا
بس ليه الحزن ده كله
انا عارفة ان الحياة ساعات بتاخد جزء من روحنا ومهما دورنا عليه مش بنعرف نرجعه
بس دى فترة مؤقتة
حكاية وقت وهترجعى احسن من الاول
خلى بالك من نفسك
سلام
ربنا يفرج همك يارب بس ادعي ربنا اوي هو قادر علي كل شي
هو فيه ايه يا جماعه
هي العدوي انتشرت في كل المدونات
انا كنت بقول علي نفسي انا بس اللي كدا
معلش ان شاء الله هترجعي تاني
ازمه وتفوت
اهم حاجه انك متزعليش يا ديالا
............
قالت البنت بابا في شاب ابن ناس ومافيهوش ولا عيب عايز يجي يخطبني
طبعآ وافق الاب
جه الشاب وقعد مع الاب وكان في فمه لبانه قاله الاب انت عجبتني قوىوما فيكش ولا عيب
بس هل دى مناسبه تمضغ فيها لبانه؟
قاله بس ياعمي ضرورية بعد السيجارة قاله هو أنت بتدخن؟ قاله على خفيف مع كاس الويسكي
قاله وبتشرب كمان قاله احيانآ لما بلعب قمار قاله فين بقى بتلعب القمار؟
قاله فى الكباريه
قاله ومن امتآ بتروح على الكباريهات؟ قاله من وقت ما طلعت من االسجن قاله وليه دخلت السجن؟
قاله ضربت واحد بالسكينة ومات
قلو وليه موِتته؟ قاله لاني طلبت ايد بنته وما وافقش
قاله الاب على بركة ألله يللا نقرا الفاتحة.......
..........
تحطمت طائرة صغيرة تتسع لراكبين فقط فوق احد المقابر بالصعيد
بلديتنا انتشلوا 500 جثة وما زال الحفر مستمراً !!!!!!!
................
واحده ست اشتركت فى من سيربح المليون جوزها طلقها عشان اتصلت بصديق
..................
واحد ومراته وعياله التلاته كانوا ركبين القطر وبعدين طلع عليهم حرامي فقال للراجل "طلع الفلوس الي معاك" فقلهم مش معايا فلوس وضحك وبعدين الحرامي قلوا"حتطلع الفلوس ولا نرمي عيالك من القطر" قالهم مش مطلع قام الحرامي رامي عيالوا وقال "حتطلع الفلوس ولا نرمي مراتك" قالهم مش مطلع وقعد يضحك قام الحرامي رامي مراتوا من القطر وقالوا "يا راجل رمينا عيالك ومراتك وبرضوا بتضحك قام قالهم""""مينعارف انتوا الكاميرا الخفيه""
................
بلديتنا جابت مرته بنت الساعه الثالثه مساءا دبح البنت بيسئلوه اية السبب قال معنديش بنات تيجى بى متاخر بى الليل
.................
تم تجربة جهاز كشف الكذب على ثلاث مسؤولين ، واحد امريكي وواحد ياباني وواحد عربي ، وكان السؤال ـ ماذا اخترعتم هذه السنة /كل من يجاوب خطأ يرن جرس الكذب / فقال الامريكي ـ نحن اخترعنا صاروخ بدون صوت ...فرن جرس الكذب . وقال الياباني ـ نحن اخترعنا تلفون نقال نتحدث فيه مع اهل المريخ ...ورن جرس الكذب . وقال العربي ـ نحن ...ورن جرس الكذب .
...........
واحد بيسال التانى انت اتولدت امته قاله يوم الجمعة رد التانى يا كداب الجمعة اجازة
..........
عريس مسطول على الآخر في يوم فرحه..بعد المعازيم مامشيوا دخل البيت لقى العروسة قاعدة، قال والله انا كنت عارف في الهيصة دي هاينسوا حد!
...........
استاذ العلوم يسأل ـ اعطيني اسم حيوان يطير؟ اجاب الطالب ـ الفيل يا استاذ . فقال الاستاذ ـ ما هذا الغباء ..ايه بيشتغل ابوك . فرد الطالب ـ في المخابرات . فقال الاستاذ ـ مش مشكلة ، الفيل يمكن يطير اذا شـد حيلو
.............
اتنين محشيشين قاعدين على البحر ساعة الفجر فا واحد بيقول للتانى السمش اشرقت رد التانى وقالة ايديها شوية ماية تبلع
............
محشش سأل واحد قال ايةإسمك؟ قال بسام .قال المحشش أي بصمة ؟؟
محشش شاف فلبيني قال: ابن اللذينا شبعان نوم
فيه محشش سئلوه ازاى تصيد الارنب قال سهله اتخبى تحت شجرة واقلد صوت
الجزر
..........
فيه حاجات كتيره بتضايقنا ودي حاجة بتحصلي وبتحصل لكل الناس وصدقيني لو قلت لك اني مرت علي ايام ربنا اللي عالم بيها لكن أتعلمت منها اني مهما أشتكي للناس برده مش هرتاح
الحل في ايد ربنا بس سبحانه وتعالى لأن قلوبنا ملكه
خليكي زي ما انتي اوعي تبطلي تدعي الدعاء هو مخرج كل الهموم وكفاية تقولي يارب
ربنا يفرج همك ويبدد حزنك ويسعد قلبك ويحقق لك كل اللي نفسك فيه
تمنياتي لكي براحة البال
انا انصحك انك تستعينى بالله فى هذا الامر وفى كل امورك
وكمان ما تسيبيش نفسك للوحدة والحزن
وحاولى تملى حياتك باشياء مفيدة وصدقينى الناس الفاضية هما اللى عايشين هم اكتر من غيرهم
ده غير متعة العطاء اللى بيحسها الانسان لما يعمل حاجة مفيدة
تحياتى
واشغلى نفسك اغلبيت وقت بأى شيئ عشان متفكريش فى الى انتى فيه تجنبى اى فراغ عندك وألهى نفسك بأى حاجه واكثرى من الثونه فى الصلاوات وقيمى الليل فهوا ان شاء الله هيفرغ قربك
ربنا يفك كربك وكرب المسلمين
ليس لنا ملجأغير الله سبحانه وتعالى مفرج الكروب
مجيب الدعوات ادعيه ولا تملى من الدعاء اليه
واحسنى الظن بربنا وان شاء الله ربنا هيكرمك
دمتى بكل خير وسعاده
ربنا يسعد أيامك دايما
ألف لا بأس عليكى
أتمنى ربنا يشرح صدرك
لما تحسى انك كده
اتوضى وصلى ركعتين
وربنا يشرح قلبك
وميرسى على زيارتك لمدونتى
ممكن بقى تضحكى قبل ما أمشى
........
؟؟؟
؟؟
ّّّّ!!!
ها ضحكتى
يالا بقى سلام
على فكره
ضحتك حلوة
صدقيني مافيش حاجه هتخلصك من ده كله الا هو
وحاول تختلطي بالناس كتير والمدونه دي خطوه لكده
وماتفكريش كتير دي مرحله الكل بيمر بيها ياحبيبة قلبي
حاولي تتحملي
كلنا مخنوقين وبنعدي بظروف صعبة
كوني قوية
مودتي
احساس بشع
انا عارفة انتي حتقوللي
الاصعب بقي لما تحسي الوحدة ديه وانتي حواليكي ناس كتتير
استعيني بالله وحولي تشغلي نفسك بأي حاجة بتحبيها
وان شاء الله ربنا يكرمك
فرج ربنا قريب جداااا
سلام
بس بنستعين بربنا وبنقدر نعديه
اشغلى نفسك بحاجات كتير
انغمس وسط الناس عيشى مشاكلهم
بدل مش عارفة تسعدى نفسك حاولى إسعاد الناس
يمكن وقتها تلقى السعادة الحقيقية
تحياتىلك
شيمو القمر
حقك وحق وردة على راسى من فوق
بس والنبى بلاش العيال اللى تبعك يهجموا عليا
والنبى والنبى ابوس ايد مدونتك بلاش
القطط تتفزع
يرضيكى كده
من باب الحب فى الله
انا جربت اساليب كتيره للخروج من هذه الحاله
والحمد لله بتجيب نتيجه
(اسرعها) ..دعاء الرسول صلى الله عليه وسلم اللى فى اذكار الصباح والمساءاللى بيقول(اللهم انى امتك بنت عبدك بنت امتك ناصيتى بيدك ماض فيا حكمك عدل فيا قضائك اسئلك بكل اسم هو لك سميت به نفسك اوانزلته فى كتابك او علمته احد من خلقك او استاثرت به احد من خلقك او استاثرت به فى علم الغيب عندك ان تجعل القرآن العظيم ربيع قلبى ونور صدرى وجلاء حزنى وزهاب غمى.....قال رسول الله صلى الله عليه وسلم مادعا به احد قط الا اذهب الله همه وابدل مكان همه فرحا
(افضلها) قراءة القرآن(اى سور)المهم تقرأى وانت سعيده بالقرب من الله
وكمان ممكن تشوفى حد بترتاحى فى الكلام معاه وتطلبيه فى التليفون وهاتك يارغى فى الفاضيه والمليانه
وساعتها هاتنسى زهقك وتفتكرى فاتورة التليفون وبس
هههههههههههههههههههه
فى كمان الصلاة على رسول الله صلى الله عليه وسلم ..بس كتير يعنى بقلبك
فى الاستغفار وقول لا اله الا انت سبحانك انى كنت من الظالمين
ربنا معاكِ ومعانا
كتير مننا بيمر بالاحساس دا أحيانا كتير
بس الموضوع بالنسبة لي مفيهوش مشكلة
فأنا رجل اتلذذ بالعزلة
تقبلي مروري
تحياتى وتمنياتى لكى باجتياز الحزن
انتهى الزمن اللى فى حد ممكن يساعد حد فى انه يلاقى نفسه
شايفة كل الكركبة الغريبة دى .. محتاجة منك 5 دقايق ..جلسة مع نفسك ... غمضى عينك واتنتى فوق السطوح او فى البلكونة واحلمىانك بتمتلكى اكبر جناحيين فى العالم كله .. وان طايرة عالى اووووووى
بصى احلمىانك روحتى كل كان .. طير اعلى واكتر
دلوقتى وانتى مغمضة بصى تحت ... شوفتىاد ايه الكراكيب طلعت صغيرة اوى
عيشى ..............
هو انا حالتى زيك كده و يمكن ان حالتى اصعب بلاش احكيلك عن اعراض حالتى احسن
ربنا يهديك
لو ليكى اصدقاء اخرجى معاهم و اتكلمى
سلام عليكم