الأحد، 28 يونيو 2009
ممكن تقبل انك تحب حد اوي وهوا مش بيحبك؟
ممكن تقبل ان تشعر بالعطف من
الشخص الي بتحبه علي حبك ليه؟
ممكن تقبل انك تتنازل عن حد بيحبك اوي
عشان حد مش بيحبك خالص؟
ممكن تقبل انك تسامح حد خانك
وطعنك في شرفك وكرامتك؟
ممكن تقبل انك تسكت وادامك حد مظلوم
وانت الوحيد الي عارف انه مظلوم؟
ممكن تقبل انك تبقي لوحدك مع ان
في كتير حواليك يتمنوا انك تكون معاهم؟
ممكن تقبل بالجرح والحزن من اقرب الناس ليك؟
ممكن تقبل انك تكرر غلطك اكتر من مره؟
ممكن تقبل بوداع حد عزيز عليك اوي؟
ممكن تقبل انك تكون علي هامش الحياه
مع ان بايدك تكون انت عنوانها؟
ممكن تقبل انك تضحي براحه بالك
وسعادتك عشان حد قريب منك اوي؟
ممكن تقبل بالسكوت مع ان قلبك مليان كلام؟
ممكن تقبل بالبكاء رغم ان بايدك تكون سعيد؟
ممكن تقبل بالبعد عشان راحه الي قدامك؟
ممكن تقبل بكل ده؟
فكر الاول وبعدين جاوب
31 Comments:
Subscribe to:
تعليقات الرسالة (Atom)
m.jpg)
من اكبر شيم الأنسان واعزها واعظمها قيمة التسامح ومهما تناولنا من احداث التسامح لن تكون مثلما تسامح رسولنا الكريم مع اهل مكه فى فتح مكه بعدما عذبوة وطردوه وقالها بمنتهى التسامح اذهبوا فانتم الطلقاء ولنا فى رسول الله اسوة حسنه
لاتندمى على التسامح فهو بحق فى ميزان حسناتك
نعم نحن بشر لا رسل ممكن لا اقبل ويكون معى الحق ولكنى ان قبلت سأكون قد طالت هامتى الى السماء سأكون القوى المسامح ولست الضعيف المنتقم
أكيد لا مش هقبل
ولكن الاغلبيه لا
ومن تقبل بكل هذه التنازلات
قد لا تحصل على شئ مطلقا
لازم يكون فيه وقفه بجد
دمتِ فى سعادة
لانى رافض اتحول لمدخلات بيانات عن حالات ومشاعر واعد واحسب واقول هينفع كدا والتصرف الصح فى دا هو دا
المشاعر مش حسبة مالية ولا مشروع اسثمارى .. المشاعر متمردة رافضة المنطق
حرة طليقة .. ارفضى تكونى اى شئ غير انسان .. يخطئ ويصيب ..مشاعره حرة نقية .. العقل يحسب خطواته لكن ما بيعدش عواطفه
عيشى ...
*ممكن تقبل انك تضحي براحه بالك
وسعادتك عشان حد قريب منك اوي؟
*ممكن تقبل بالبعد عشان راحه الي قدامك؟
دول ايوه انا هقبل:)
هاااااااا اخبار الفيرس ايه لسه متمكن منك؟
بس هي بترجع للموقف نفسه
احيانا ممكن نقبل حاجه في ظروف ومنقبلهاش في ظروف تانيه
لكن عموما الاسئله دي فعلا بتوقفنا قدام نفسنا علشان كل واحد يعرف شخصيته اكتر
تحياتي ليكي
وهل بيدي الاختيار!!!!!!!!!!!؟
فاصل عليا اختى العزيزة دمتِ بكل حب وود وفى رعاية وحفظ الله دائما
أكيد لأ لأ لأ لأ لأ لأ لأ
مش هقبل بأي حال من الأحوال
ماعدا في حالتين وهما نفس الحالتين اللي قال عليهم
صاحب مدونة (الحكومة لابد لها من شعب يشكمها) هههههههههه عذرا طبعا لصاحب المدونة
تحياتي
مرفوض الحب من طرف واحد
مرفوض إهانة الكرامة عشان خاطر اى مخلوق
مرفوض أجترار الحزن والتجارب السيئة
مرفوض التضحية لحد ما يستاهلش
مطلوب دايما البحث عن البهجة لى وللاخرين بس مش على حساب نفسى
مطلوب البحث عن النجاح عشان ما كونش صفر فى الحياة
مطلوب أن أكون عبدا لله وحده وليس لأى شخص تحت مظلة شعارات اشحن بها عقلى الباطن وهى كاذبة
-----------------------------------------
أسئلة حلوة جدا بس بتقلب المواجع
-----------------------------------------
تقبلى مرورنا وعلى فكرة ضيفناكى وياريت تضيفينا
----------------------------------------
مع تحياتنا / حازم و هانى
بس انا عندى انى ممكن اضحى بسعادتى علشان الاخرين و ده اللى بيحصل دايما و فى ناس بضحى علشانهم و يبقوا ما يستاهلوش
اما بقى لجميع مشاكل الحب فأقول بحر الهوى غدار
يعنى مفيش حد يعرف يقول لو كان هذا لفعلت ذاك لان وقت الجد ممكن التصرف يتغير
شكراً على تشريفك مدونتى
للمرة الأولى
و انا ضفت مدونتك عندى فى المدونات اللى بتابعها
و ان شاء الله ابقى اتابعها دوماً
لأ
ممكن تقبل ان تشعر بالعطف من
الشخص الي بتحبه علي حبك ليه؟
لأ
ممكن تقبل انك تتنازل عن حد بيحبك اوي
عشان حد مش بيحبك خالص؟
لأ
ممكن تقبل انك تسامح حد خانك
وطعنك في شرفك وكرامتك؟
حسب اهمية الشخص ده فى حياتى
لو مهم اوووى حسامحه طبعاً
ممكن تقبل انك تسكت وادامك حد مظلوم
وانت الوحيد الي عارف انه مظلوم؟
للأسف أه ، بس اتمنى انى متعرضش للموقف ده
خالص
بس الأكيد انى بقول أه ، لكن ساعت الجد يمكن يحصل تغير
و ارفض الظلم
ممكن تقبل بالجرح والحزن من اقرب الناس ليك؟
صعب اوووى اقبل
ممكن تقبل انك تكرر غلطك اكتر من مره؟
محدش بيتعلم ببلاش
ممكن تقبل بوداع حد عزيز عليك اوي؟
اه
ممكن تقبل انك تضحي براحه بالك
وسعادتك عشان حد قريب منك اوي؟
اه
ممكن تقبل بالسكوت مع ان قلبك مليان كلام؟
اه
ممكن تقبل بالبعد عشان راحه الي قدامك؟
اه
----------------------------------
ممكن تقبل انك تبقي لوحدك مع ان
في كتير حواليك يتمنوا انك تكون معاهم؟
انا طبيعى عايش الموضوع ده ، انا على طوول لوحدى
بتخنق و انا وسط الناس
ده على اساس انى اعرف ناس اصلاً
انا محيط معارفى الحقيقية فى الواقع و ليس النت
مفيش تقريباً
ممكن تقبل انك تكون علي هامش الحياه
مع ان بايدك تكون انت عنوانها؟
للاسف انا لسة عايش على هامش الحياة
و مش عارف اذا ابقى فى عنوانها
ممكن تقبل بالبكاء رغم ان بايدك تكون سعيد؟
برده لما ابقى فى عنوان الحياة
حبطل بكاء
و حبقى سعيد
ممكن تقبل ان تشعر بالعطف من
الشخص الي بتحبه علي حبك ليه؟
ممكن تقبل انك تتنازل عن حد بيحبك اوي
عشان حد مش بيحبك خالص؟ ابدا عمرى مقبل بكدا حتى لو كان على حساب حبى اصل مش ينفع اروح لى انسان بيكرهنى عشان انا بحبو ...
ممكن تقبل انك تسامح حد خانك
وطعنك في شرفك وكرامتك؟ الله يسامح ولزم انا اسامح
والقاظمين الغيظ والعافين عن الناس دى من صفات المؤمن...
ممكن تقبل انك تسكت وادامك حد مظلوم
وانت الوحيد الي عارف انه مظلوم؟ لا طبعا الساكت عن الحق شيطان اخرص...
ممكن تقبل انك تبقي لوحدك مع ان
في كتير حواليك يتمنوا انك تكون معاهم؟ انا بفضل ديما اكون لوحدى لئنى مش بحب اكون اجتماعى الهدوأ اجمل ما فى الحياه...والحياه الاجتماعيه ليها نسها وخصوصا انى مش بقالى فى مصر غير القليل...
ممكن تقبل بالجرح والحزن من اقرب الناس ليك؟ سعات الظروف بتحطنا لكدا يعنى بتكون احياننا والحياه مليئه بل جروح...
ممكن تقبل انك تكرر غلطك اكتر من مره؟دا مش ممكن لئن الغلطه لما تكرر اكثر من مره سعتها مش بتكون غلطه بتكون ادمان مهما كان الغلطه دى ايه؟..
ممكن تقبل بوداع حد عزيز عليك اوي؟انا سبت اهلى كلهم فى ايطاليا ورجعت عشان اعيش لوحدى فى مصر لئى بحبها وحبيت الوداع,.....
ممكن تقبل انك تكون علي هامش الحياه
مع ان بايدك تكون انت عنوانها؟ حسب ظروف الحياه لئن القدر هوا موضع الحياه الاساس لئى انسان وهوا الوحيد الذى يستطيع ان يضع لكل فرد حياتو...
ممكن تقبل انك تضحي براحه بالك
وسعادتك عشان حد قريب منك اوي؟ احيانن لو استطيع ذالك ناس كتير بتفضل انها تشوف ابتسامه غرها حتى لو كان على حسبها وناس سعادتها الوحده بتكون فى اسعاد الاخرين...
ممكن تقبل بالسكوت مع ان قلبك مليان كلام؟ حسب حياتى لو بحب الوحده اكيد السكون بنزبا لى بيكون افضل والتحدث مع النفس بيكون افضل من التحدث الى شخص احيانن بنفهم انفسنا ولكن لا يستطيع احد ان يفهمنا...
ممكن تقبل بالبكاء رغم ان بايدك تكون سعيد؟ الهم انى اعوز بك من قلب لا يخشع وعين لا دمع...
ممكن تقبل بالبعد عشان راحه الي قدامك؟ احيانن بردو..
ممكن تقبل بكل ده؟ كل شيئ جايز
أصل ساعات الظروف بتبقي أقوي مننا..
ويبقي نصاب رسمي اللي يقولك لا مش ممكن ، ببساطه لانه مش عارف بكره فيه ايه ..!ّ!
ماعدا حاجات بسيطه ممكن
تحياتى
بــرافــــو
بوست رائع وكلام حلو واسئله احلا
والاجابه اكيد حتكون احلى
جيت مره تانيه لاني الي اكتر نمن عشر مرات بحاول اعلق وكل ما بكتب مجلد بيطير الكلام وبرجع افكر فيه من تاني
ليه مش سهل التعليق عندك زي عندي
المهم كنت بفكر جاوب على بعض الاسئله بس الي فضلت فاكراه منهم اني ابدا ما بحب اكون على الهامش في الحياه ودايما لازم اكون مؤثره للافضل
كمان مش بقدر اسامح على الجرح والي بيجرحني لازم اجرحه وساعتها اشعر بالرضا
ايوه ممكن اضحي براحتي وسعادتي علشان الي بحبه
وكتي بلجأ للسكوت وقلبي مليان علشان لو اتكلمت حاجرح ناس ممكن اكون بحبهم
بوست وكلام بيجنن
وبتخيلك فعلا تشبهي لسعاد حسني بفيلم صغيره عالحب هههههههه والا ايه
دمتي بحب وخير يا قمر
وجودك بمدونتي جميل وبيسعدني
وممكن لا
لكن وضع كل الخيارات دى مع بعضها فى سله واحدة مش منطقى
فيه اشياء بنكون مضطرين نقبلها وأشياء أستحاله نوافق عليها او نتحملها
تحياتى لك
ممكن ولا مش ممكن
v_v
السلام عليكم
أسعدنى مرورى الطيب ويشرفنى التواصل معك
أسئلتك صعب جداً أن يقف إنسان ليسأل نفسه هذه الأسئلة ولكن من وجهة نظرى فإنى أجاوب عليها بكل لاءات
الدنيا لأن التسامح الذى يهين كرامتى لا أقبله
تقبلِ مرورى
أنا لو حسيت ان فيه حد كدا هاعتزله تماما
ومش ممكن اقبل دا
أنا مش بشحت الحب
تقبلي مروري
ممكن تقبل انك تضحي براحه بالك
وسعادتك عشان حد قريب منك اوي؟
ممكن تقبل بالسكوت مع ان قلبك مليان كلام؟
ممكن تقبل بالبعد عشان راحه الي قدامك؟
"ممكن تقبل انك تبقي لوحدك مع ان
في كتير حواليك يتمنوا انك تكون معاهم؟"
دى بعملها كتير االصراحة لما بكون مخنوق مبحبش أشوف حد ولا أكلم حد
"ممكن تقبل انك تضحي براحه بالك
وسعادتك عشان حد قريب منك اوي؟"
دى طبعاً آه وستين آه كمان هو فيه حاجة موديانى فى داهية غير الحكاية دى
"ممكن تقبل بالبعد عشان راحه الي قدامك؟"
أكيد طبعاً بس للأسف أنا طول عمرى بعيد وللا هو بيرتاح ولا أنا بقرب بس لو رجع بيا الزمن تانى هاختار برضه إنى أبعد يمكن يرتاح المرة دى
تحياتى