ربما
قبل 3 أسابيع
الجمعة، 19 يونيو 2009
شهريار:تصدقي ياشوشو انا هطلقك
وارتاح بقي منك ومن قطر الندي بتاعتك دي
شهرازاد:ليه بس كده يابيبي واحنا عملنا فيك ايه بس
شهريار:انتي خنقتني وكل شويه بتوقفي
الحكايه علي حاجات مهمه اوي
شهرزاد:خلاص متزعليش ياكميله انتي
هحاول النهارده اخلص الحكايه ولو معرفتش
اوعدك تبقي اخرها بكره باذن الله
شهريار:لما نشوف ياست شوشو يلا بقي كملي
شهرازاد:بلغني ايها الملك السعيد ذو الرأي الرشيد
ان لما قربت قطر الندي من الحيه
سمعتها بتكلم الجارح الخائن
وبتقوله بتقول نتقابل فين؟
فقطر الندي شدت منها الموبايل وبتسمع
لقته صوت الجارح الخائن
فاديتلها الموبايل وسابتها من غير ولا كلمه
وطلعت تجري من الصدمه
فبعدها جتلها الحيه الغبيه وفضلت تقولها
فهمتي غلط ده هوا كان بيوسطني
عشان عايز يقابلك وخايف لتهزأيه
ففضل يقولي عشان خاطري اتوسطيلي عندها
فهمتي غلط وفكرتيه عايز يقابلني انا
وبعدين انا متجوزه معقوله اقابل حد غير جوزي
ملحوظه(ست الحيه الغبيه اتجوزت
بعد ماخلصت تالته جامعه)
قطر الندي لانها كانت ساذجه
ومش كانت تعرف معادن الناس كويس
وان في ناس وحشه اوي في الدنيا دي
فقالتلها قطر الندي قوليله انك كلمتني وانا رفضت بشده
ومش تحكيله سوء التفاهم ده
ومتزعليش مني ياحيه ياغبيه انا فهمتك غلط
وخلاص ياشهريار الموضوع انتهي علي كده
لا وبالعكس كمان ثقتها زادت
في صاحبتها جدا وحست انها بتحبها اوي
ومع ان قطر الندي كل الناس حذروها
من صاحبتها دي جدا ان اخلاقها مش تمام
وانها بتتكلم عليها باسلوب مش كويس
رغم كده قطر الندي قالت استحاله
اتخلي عن صديقتي وده لان قطرالندي
بنت جدعه ومش ينفع نهائي
تتخلي عن الحيه الغبيه
وكان كل مشاكل قطر الندي مع شلتها
في الكليه بسبب الحيه الغبيه وتصرفاتها
خلاص بقي خلصت الامتحانات
وقطر الندي عملت الي عليها واكتر مع صاحبتها
من مزاكره وملخصات والذي منه
والكلام بتاع الكليات ده الي انت عارفه ياشهر
بس عشان قطر الندي كانت هيا الي بتعمل
الملخصات والذي منه
وبجد كانت بتزاكر فربنا كرمها ونجحت
بس الحيه الغبيه شالت ماده
فقطر الندي بتكلمها بعدها تطمن عليها
لقتها بتبعد ومش بتتكلم كويس
حاولت مره واتنين
لقتها برضه اسلوبها مش كويس
فخلاص كده عملت الي عليها
وفي نفس الوقت كان قطر الندي ليها
انتيمه من اعدادي اسمها النسمه الرقيقه
بس كانت في كليه غير كليتها
فبعد الكليه رجعوا لبعض تاني
ومات بابا النسمه الرقيقه
والحيه الغبيه مش وقفت جمب
النسمه الرقيقه خالص
وملقتش حد جمبها غير قطر الندي
فقطر الندي والنسمه الرقيقه قرروا
يبعدوا في صمت عن الحيه الغبيه وده ليه؟
عشان كانت بتبعد عن قطر الندي بعد نجاحها
وعشان موقفتش جمب النسمه الرقيقه
موت باباها ولا حتي بكلمه تعزيه
وعشان كل الناس قالولهم لازم تبعدوا عنها
عشان اخلاقها مش اخلاق واحده متجوزه
نرجع بقي لحكايه الجارح الخائن
المفروض ان قطر الندي انها رافضه الخطوبه
غير بعد انتهاء دراستها
فبعد انتهاء الدراسه جالها بكل بجاحه وكلمها وقالها
بابا مش رضي نتجوز
اتصدمت قطر الندي وقالتله والسبب
قال ايه بيقول ان عيلتها التناكه زايده عندها شويه
وان باباه خايف يتقدم ليترفض
(لا حقيقي سبب مقنع جدا جدا
وتحس كده ان هوا راجل قد كلمته)
بتقوله وانت جاي
تكتشف ان باباك مش موافق دلوقتي
اتجرحت قطر الندي واخدت الطعنه في كرامتها
عارف ياشهرزاد المثل الشعبي الي بيقول
رضينا بالهم والهم مش رضي بينا
فضلت قطر الندي ايام وشهور
مصدومه منه ومن بجاحته
بعد مااتحدت الدنيا
عشان بس تكون قد كلمتها
يجي يقولها كده
وفضلت مصدومه جدا لفتره
وده جه بعدها بفتره يقولها
بحبك ومش قادر اعيش من غيرك
وكان هينتحر ويموت نفسه اول ماعرف
انه كان فيه مشروع ارتباط بالنسبه ليها
غيرت رقم موبايلها وبرضه
جابه وفضل يطاردها
ومش سابها في حالها
ومش كانت عارفه هوا عايز منها ايه
مكنش عايزاها ليه ولا لحد غيره
كان مجنون بحبها لدرجه تقرف
وهيا خلاص كانت اعصابها
مدمره من مطاردته ليها
واكتشفت قطر الندي بعد كده من الناس
ان الجارح الخائن كان بيخونها
من زمان مع الحيه الغبيه
وهيا ياعيني مش كانت فاهمه اي حاجه
وعدت فتره ووقفت قطر الندي علي
رجليها من تاني وحاولت تنسي جرح كرامتها
بعد ماكانت تقريبا في حاله صعبه جدا
من غدر صاحبتها والانسان الي كان مفروض
هيبقي شريك حياتها
وفي يوم اتزين فيه القمر
باجمل الوان الزينه
كتب القدر لقطر الندي صدفه حلوه اوي
صدفه غيرت حياتها من النقيض للنقيض
شاء ليها قدرها انها تتعرف علي
علي..........
كوكوكوكو
وهنا ادرك شهرازاد الصباح وسكتت عن الكلام المباح
ونكمل بكره بقي اخر جزء من قصه قطر الندي
يلا بااااااااااااااي
15 Comments:
Subscribe to:
تعليقات الرسالة (Atom)
m.jpg)
السلام عليكم ورحمة الله وبركاته
تحياتى
هى دى حكايات شهرزاد 2009 فى الجامعه ولا ايه ؟؟
ههههههههههههههههههه
بس حلوة
لما نشوف بكرة بقى ان شاء الله هتقابل مين
الشاطر زياد ولا الامير هيثم
ههههههههههههههههه
تقبلى مرورى وتحياتى
ودمتِ بكل خير وود
والسلام عليكم ورحمة الله وبركاته
انا اصلا هخاصم المدونة دى بسبب الديك البايخ ده (وش متنرفز على الاخر)
حبيبتى الغاليه
وحشتينى قوووووووووى ياحبيبتى
جميله قووى القصه
بس انا بتهيألى كده ان القصة دى مش خياليه حقيقه صحححححححححح
جميله جميله جميله
احيك ياقلبى
ربنا يوفقك يارب
دمتى بحفظ الرحمن
تحياتى
انوسه
ايه الجمال دا اكيد المدونه واخده منك كتير
انا كنت سارح مع الحكاية لغاية ما الديك الرخم دا ادن
انا مستني الجزء ااخير
يلا اكتبيه بسرعه بقي
تقبلي مني المرور
:((
انا عايزه اعرف باقي الحدوته
عموما مستنيه
بس عجباني اوي شهرزاد المودرن دي
هههههههههههه
شوقتينى اقرا الباقى
حب الجامعة ده انا مش بعترف بيه ابدا
لأنه حب غير مسئول
إما بيكون بنية التسلية وتضييع الوقت
أو بيكون أقل من التحديات اللى ممكن يواجهها يوم ما يطلع للنور
هرجع اقرا الأجزاء اللى فاتت ان شاء الله
فى انتظار الجزء القادم
ربنا يكتبلك الخير يا جميل
نورتينى بزيارتك الجميلة وفرحتينى اننا دمايطة زى بعضينا :)
ربنا يوفقك يا قمر
سلام
المهم ان شهرزاد القرن العصر الحديث دى صورة واقعية فى حياتنا اليومية
اختى العزيزة اهنئك على البوست
دمتِ يارب بكل حب و ود وفى رعاية وحفظ الله دائما
ايه هي القصه لسه منتهتش والله انا افتكرت خلاص
بس ايه الجمال والاسلوب ده حلو بجد
وجميل وفيه حكمه
اسلوبك رائع
مدونتك جميله
تعرفي انك تقدري تكتبي قصص للاطفال بشكل جداب
اتمنالك الخير والحب
ودمتي
نسيت اقلك ميرسي على اضافة مدونتي عالمفضله عندك
وده من زوقك
بتمنى اكتب حاجات مفيده وتعجبك
دمتي بحب
وميرسي كتير