ربما
قبل أسبوعين (2)
الاثنين، 22 يونيو 2009
بجد مش مركزه ومش عارف اكتب ايه
كنت بسمع في موقع معين
اسلام فتاه مسيحيه
وانا بسمعها كل جسمي اترعش
حسيت وقتها ان احنا بجد في نعمه
نعمه مفيش حد مقدرها فينا
احنا مسلمين
يعني احنا علي الدين الصواب
متعبناش في حاجه اتولدنا لقينا نفسنا مسلمين
ونبينا هو محمد صلي الله عليه وسلم
يعني احنا اخوانه الي هينده علينا يوم القيامه
وهيبقي فخور بينا اوي
ويقول علينا تبعوني ولم يروني
يعني بجد ربنا بيحبنا
بس للاسف عملنا ايه احنا عشان الحب ده؟
مش عارفه بجد في احساس جوايا مش عارفه افسره
فرحانه اوي اني مسلمه
وزعلانه اوي اني مقصره لاسلامي
قصه اسلامها هزتني اوي
مقدرتش اعمل حاجه غير اني ادمع
واقول لما ربنا يقولي يوم القيامه عملت ايه لدينك؟
ارد واقول ايه؟
اقول اني كنت بصلي وبصوم ونطقت الشهاده
وكانت نيتي خير في كل عمل انا عملته
ده بس الي عملته!
فين بقي الي عملته لديني ولامه سيدنا محمد؟
اتعلمت واتخرجت من كليتي وكل الي اتعلمته
حفظته جوه عقلي ومفدتش بيه حد؟
فين بقي الامانه الي انا شيلاها ومفروض أأديها
عملت ايه بعلمي!
عملت ايه لديني!
عملت ايه لامه سيدنا محمد؟
محتاره وحاسه اني مخنوقه؟
في ايدينا نعمه لو هنفضل كل ثانيه
نشكر ربنا عليها مش هنكفي حقه
احنا مسلمين
الحمدلله يارب كما
لجلال وجهك وعظيم سلطانك
وبلغ سيدنا محمد يارب اني بحبه اوي
وكان نفسي بجد اعمل
اي حاجه عشان اغير حال بلدنا
بس مفيش حاجه بايدنا
واللهم صلي وسلم وبارك علي سيدنا محمد
والحمد لله يارب اني مسلمه
الحمد لله
الحمد لله
الحمد لله
32 Comments:
Subscribe to:
تعليقات الرسالة (Atom)
m.jpg)
اوووووول تعليق حجز
ديالا
وحشتنى قووى
كلامك جميل قوى وحزن فى نفس الوقت
بس مش هقول اكثر
بارك الله فيكي اختي وانشاء الله تدخل عليك هده السنة بالصحة والعافية وتحققين جميع متمنياتكي كما اتمنى للامة العربية ان يتغير حالها وان نتمسك بديننا وكل سنة والجميع
تحياتى
اختك انوسه
معظمنا مسلم فقط بالاسم
تعرفي ان اي واحد في اوروبا مثلا او امريكا يسلم بيتحول الي انسان تاني خالص
انسان مفيد لدينه وبيعمل علي نشره اكتر من اي مسلم تاني اتولد مسلم
عموما في اكتر من حاجه ممكن نفيد بيها اسلامنا
اقلها اننا نصلح نفسنا ونكون اناس صالحين لمجتمعنا
ونساعد علي حدوث نهضه بمعني الكلمة
وربنا يتقبل من الجميع
تحياتي اليك
ولكن يجب ان نفرح بأننا مسلمين
لان ان يسلم شخص
او يتنصر شخص
لن يزيد الاسلام ولن ينقص منه
وانما الفائده او الخساره يتحملها كل شخص بأفعاله
واكيد سمعتى عن الاثنين الذين تنصروا
ويرفعون دعاوا امام المحاكم الفتره الماضيه
وهذا لا يجب ان يحزننا
او نشك فى الدين
وكل شخص يتحمل تصرفاته
صحيح افرح عندما اسمع عن اسلام شخص
ولكن ماذا فعلنا نحن المسلمين قبل ذلك
بس كويس اننا نبدأ نفكر بالطريقه دى
ربنا يكرمك
ربنا يهدينا جميعا يارب
والله صادقة بكل كلمة قولتيها
وبحس دايما بالشعور الي حاسة بيه
وبدعي ربنا يهديني ويهدينا جميعا
ويحسن خاتمتنا
بووست راااااائع
بارك الله فيكي حبيبتي
دمتي بحفظ الرحمن
لكن احنا اتولدنا مسلمين فتعودنا اننا مسلمين
و بالتالى اتعودنا اننا نصلى
اتعودنا اننا نصوم
من الاخر اتعودنا ان الاسلام صلاة وصوم و زكاة
مش دين عبادة و عمل
يعنى المسألة بقت مسألة تعود اكتر من انها اعتناق دين بجد
اما اللى بيدخل الدين الاسلامى بيكون درسه و اقتنع بيه و فهم انه عبادة و عمل
ربنا يهدينا جميعا
لكن عودتنا دائما أليه
قد نبتعد لكنا لا نضل
قد نقصر لكننا لا نهمل او ننسى او نبتعد
الحمد لله الذى خلقنا مسلمين
بتربيتك لأولادك فى المستقبل
فى بيتك
فى حاجات كتير صدقينى
بس بصى حواليكى كويس
الحمد لله على نعمة الإسلام
مبدأيا سعيد لكونى صاحب راى وتعليق فى مدونه متميزة زى اللى انا فيها دلوقت,
ثانياً, بقولك وبقول لنفسى وبقول لكل المسلمين اللى محافظين على دينهم وماسكين علية بجد(كالجمر) فى ايديهم, ان اتباعنا لكلام الله وسنه نبيه (ص) فى الارض, دة أهم الواجبات المفروضة علينا كبشر فى هذه الدنيا,ومن ثم طبعاً الدفاع عن الله عز وجل ونبيه الكريم(ص) ضد اى كائن تسول له نفسه التجرأ على الله ورسوله, وان كان هذا الدفاع مجرد كلمة او رأيى لانك بالكلمة دى بتقول لربك عز وجل ولنبيك (ص) انك مش ساكت على الافتراءات الموجهه لهم وانك بتعمل قدر المستطاع فى الدفاع عن الاسلام, وطبعاً معانا سلاحنا الاساسى وهو......الدعـاء
اختم كلامى بالدعاء لكى ولجميع المسلمين ان يثبت الله خطاهم على الحق وان يرزقهم صوابهم فى الدنيا و جناته جنات النعيم فى الأخرة..اللهم أمين
تقبلى مرورى...
خالص تحيـــــاتى.....
البوست رائع قوى
مش لاقيه كلام اكتبه بعد كلامك و كلام الناس اللى كتبوا تعليقات
و على فكره فى ناس مسلمه ممكن تسمع درس دينى واحد او خطبه و ربنا يهديهم قوى
و بعدين بتقولى انك مش بتعملى حاجه للدين
بصى انتى لما تحاولى تفيدى حد بمعلومه تربى اولادك صح تعرفى حد ان التصرف ده غلط
كل ده بيفيد مش شرط تشوفى اثره دلوقت
ممكن اثره يظهر بعدين
نحن احباب رسول الله كما قال لصحابه احبابى من امنو بى ولم يرونى سبحان الله على ما احنا عليه من نعيم
جزاكى الله خيرا على هذه التدوينه الجميله جدا
الحمد لله على نعمه الاسلام وكفانى بها نعمه
حنين
وأثر فيا كتير اوى
وبجد حسيت انه احنا مقصرين جدا
وانه عندنا كنز ومش حاسين بيه
عارفة التفكير ده انا بفكر فيه من زماااااان ولما رحت ثانويه عامية لقيت البنوتات صبحاتي بيفكرو بنفس الطريقة وده دليل اننا فينا خير ونفسنا بجد نعمل حاجه لديننا وبنحاول
واول حاجه نحاول نكون مسلمين بجد بأخلاقنا وتعاملاتنا مع الناس
كمان المسلم بيكون سفير لدينه ولهويته في اي مكان هو فيه فلازم نهتم بمظهرنا وبتصرفاتنا لأن للأسف ناس كتير مش مسلمين عندهم معلومات وحشة اوي عن ديننا من تصرفات المسلمين
وفاكرة اني قرأت قصة واحد اسلم ونزل البلاد العربية فقال الحمد لله اني اسلمت قبل ما اشوف حال المسلمين
تقبلي مروري ،، ودعواتي بالتوفيق
تفكيرك وكلامك صح جدا
ياريت بس نعمل اكتر مانقول ونكتب
ربنا يبارك فيكي ياقمرايه
:)
فعلا احنا فى نعمة
لكن احانا اتعودنا نشكر النعمة لما نحس بيها واتعودنا نحس بالنعمة لما تكون حاجة جديدة دخلت على حياتنا
احنا المفروض نكون احسن من كده بكتير
تحياتى
بس عملنا ايه عشان نقول بيه فعلا مش قولا اننا مسلمين ... اغلبنا معملش حاجه
بيحس بكميه النعمه اللى هو فيها
لكن احنا عمرنا ما عملنا بيها
واللى لاحظته
ان اللى بيسلم جديد
بيبقى مسلم على حق
عكسنا والله
لانه بيبقى مسلم عن اف\قتناع واعتنق الدين
انما احنا
الحمد لله مسلمين
بس مبنعملش بالاسلام اى شئ
للاسف مش حاسين بقيمه الدين الاسلامى العظيمه
وبنقول
كفايه اننا مسلمين
كلامك بجد دخل قلبى وكلامك فعلا نفس الاحساس اللى جوايا وبردة نفسى اعمل حاجة بس مش لاقية الطريق الصح
وسمعت على فكرة اسلام البنت المسيحية ومن اول ما بدأت لحد ما خلصت مابطلتش بكاء
احييك على كلامك الحلو ده
تقبلى مرورى
تحياتى لك
شيمو القمر
بس الظاهر الجهاز بيستهبل
انا كنت بقول ان كلنا نشعر بالتقصير تجاه ديننا
والكثير منا لايدري ماذا يفعل
ولكن اذا فكرنا قليلا نجد ان
من يجتهد في عمله فهو يخدم دينه
ومن يجتهد في دراسته فهو يخدم دينه
من يأمر بالمعروف وينهي عن المنكر فهو يخدم دينه
من يعلم الاخرين شيئا مفيدا فهو بالتأكيد يخدم دينه
عندك حق
انا بهرب كتيييييييير اوى من السؤال ده
علشان محسش بتأنيب الضمير
للأسف مش عارفين ان الموت كمان قريب اوووي
ماشاء الله اللى بيسلموا بيكون عندهم حماس رهيب
سبحان الله
مش عارفه اقولك ايه :(
يلا نعمل حاجة طيب كلنا يمكن نشجع بعض ...
عارفة احنا إمتى بنحس بالنعمة لما بنشوف غيرنا محروم منها
عارفة أنا فى واحد زميلى حكالى حكاية مؤثرة قوى بيقولى
فى مرة قابل واحد صاحبه وكان معاه راجل كبير بتاع 45 سنة كده فعزمهم على حاجة ساقعة
المهم وهو بيشرب إزازة الحاجة الساقعة وزميله بيشرب لقى الراجل ده ماسك الإزازة فى إيده وبيبصله بنظرة على حسب وصفه تقطع القلب فزميلى بيقوله متشربش ليه حضرتك ضحك ضحكة تهكمية وقاله نفسى
تخيلى نفسه يشرب
اتاريه يا عينى ميقدرش يرجع راسه لورا علشان يشرب أى حاجة وعايش بالشاليموه
تخيلى بقى
يعنى كل واحد فينا فى نعمة إنه يقدر يرجع راسه لورا ويشرب
رب أوزعنى ان أشكر نعمتك التى أنعمت على وعلى والدى يوم يقوم الحساب
تحياتى
للأسف في كتير الاسلام عندهم مجرد كلمه وبس..
احنا فعلا في نعمه اننا اتولدنا مسلمين
بس مش معني اننا مقصرين شويه نبقي كده
لا
احنا لازم نفوق
وتقصيرنا ده يدينا دافع اننا نقرب من ربنا اكتر ونعمل حاجه.. مش نقف مكاننا نعيط..
بوست جميل اوي
قلتي حاجات كانت جوايا..:)