ربما
قبل أسبوعين (2)
الأربعاء، 17 يونيو 2009
شهريار:شهرزاد حبيبتي مش هتحكيلي بقي حكايه قبل ماانام ياشوشو
شهرازاد:وانا ممكن انام ياشهر انت ياقمر قبل مااحكيلك الحكايه
شهريار:طب وحكايه النهارده اسمها ايه ياشوشو
شهرازاد:حكايه قطر الندي والاميرالنبيل
شهريار:يلا بسرعه ياشوشو انتي شوقتنيني اوي ليها
شهرازاد:بلغني ايها الملك السعيد ذو الرأي الرشيد انه
من زمان بس مش من زمان أوي يعني
في بلد بعيده عن العاصمه اتولدت بنوته
اسمها قطر الندي كانت بنوته أموره
عينها بلون الشيكولاته وشعرها نفس اللون
وكان الكل بيتعجب لجمال ابتسامتهاورقتها
وفاتت سنين قليلين وكبرت قطر الندي
ودخلت كيجي 1 عرفت وقتها
ان الدنيا فيها ناس تانين غير اخواتها واقاريبها
فحاولت قطر الندي تعيش الحياه الجديده
وروحي ياأيام وتعالي ياأيام
ودخلت قطر الندي 3 ابتدائي
ومش كانت تعرف خالص يعني ايه حب الولد للبنوته
وفي يوم بتفتح كراسه العربي
لقت فيها حاجه كده مش كانت تعرف اسمها
الحاجه دي اسمها جواب
ومكتوب فيه بالحرف:
(بحبك ياقطر الندي,اتجوزيني
,
عشان خاطر ماما حبيني:الامضاء طفل صغنون)
فطلعت قطر الندي تجري علي
الميس بتاعتها وبتقولها ببرأه الاطفال
بيقولي عايز يتجوزيني ياميس أروح أضربه؟
قالتلها لأ البنوتات الأمورات
الشاطرين ميضربوش الاولاد
روحي قوليله انا بحبك عشان انت اخويا
وفرحانه اوي عشان بقي ليا اخ في الفصل بتاعي
وقالت فعلا قطر الندي الكلام ده للطفل الصغنون
وده كان اول موقف يعلمها ان الاولاد بيحبوا البنات
وروحي ياأيام وتعالي ياأيام
ودخلت قطر الندي 5 ابتدائي
وكان نفسها اوي تبقي رئيسه فصلها زي كل سنه
بس السنه دي ظهرت مشكله اسمها الملاك الطيب
الملاك الطيب كان زميلها في فصلها
وولد محبوب ومؤدب جدا
وكان بينافسها في انتخابات رئاسه فصلها
وفي يوم الانتخابات الموعود فاز الملاك الطيب
وزعلت قطر الندي اوي وفضلت تعيط
فرحلها الملاك الطيب وقالها:
متزعليش ياقطر الندي عشان خاطر ربنا
وقطر الندي تعيط
طب قالها طب خلاص
انا مش عايز ابقي رئيس فصل
وخليكي انتي الرئيسه بس متعيطيش
فقطر الندي قالتله امشي ياولد
من هنا لاحسن اضربك
قالها:طب بصي خليكي انتي المساعده بتاعتي
وانا مش هزعلك تاني خالص
وادالها كيس الشيبسي الي كان معاه
طبعا قطر الندي وافقت بعد الرشوه
وفي اخر يوم في السنه قالها انتي اطيب بنت
عرفتها ونفسي اوي لما اكبر اتجوزك
وكل واحد فيهم دخل مدرسه اعدادي منفصله
ومش شافته بعد كده
وفي يوم كانت قطر الندي
بتبص علي الغروب لانها بتعشق منظره
سمعت المنادي بيقول توفي الي رحمه الله تعالي........
كوكوكوكوكوكو
وادرك شهرازاد الصباح فسكتت عن الكلام المباح
ونكمل بقي المره الجايه
9 Comments:
Subscribe to:
تعليقات الرسالة (Atom)
m.jpg)
احنا فينا من كده ولا ايه
لالالالا هموت الديك ده ماينفعش كده
عااااااااااااااا
و كمان حتى الاطفال بيسكتوا بالرشوة
ياساتر مافيش حد يعمل حاجة كده ((:
منتظرة الباقية
وان بتحكي قصه حياتك بس باسلوب مختلف شويه
علي العموم كل ده هيبان في بقيه القصه
واتمني انها فعلا تكون قصه حياتك
وبالحق قولي لقطر الندي
بتكوني في خمسه ابتدائي وتاخد رشوه والله العظيم جيل اخر زمن
عجبتني اوي الجمله الي في الجواب (عشان خاطر ماما حبيني
هههههههههه
وأسلوب فيه برائه وعذوبه
طفوله اتحرمنا منها
تدل على روح لسه طفله
جميل ما كتبتى
هنتابع باقى القصه
تحياتى لك
ع العموم عايز أعرف باقى الحكاية
بس قطر الندى دى شكلها عارفة طريقها كويس
دى يتاخد رشوة وهى لسه فى ابتدائى
شكرا ...أرجو قبول مرورى
وشهرزاد تجنن دا انا فكرة نفسي لما ضربت ولد بالصف الاول عشان كان عايز يقعد جمبي في الصف
بس هو مسكين كان قصدو شريف
حلووووووووووووو
تسلم ايدك
قصة حلووة بس حبكت الديك يكوكو نااو
طيب مين هيموت خليها الميس عشان قطر الندى متتكسرش
:D
منتظرة البوست الي بعده,,,اما نشوف اخرتك يا ميس شهرزاد...:)
على فكرة الديزاين بتاع البلوجةد حلوو جدا ما شاء الله...كيب اوون
كان لازم يعنى الكلام المباح يتأخر على الصبح
ههههههههه
جميلة جدا
تسلم ايدك
يا مسرووووور هات السيف وتعالى شوشو مش عايزة تكمل القصه