مش عارفه انا ليه اساسا بكتب في الموضوع ده
مع اني لسه مدخلتش قفص
النسانيس
بس بما اني مغيوظه هانم
ومفروسه هانم من الي شفته
بيحصل لحد قريب ليا
لقيت نفسي بحضر الاسلحه بتاعتي
عشان لما يجي المحروس علي عينه واتجوزه
ابقي مستعده لاي غارات
وحروب اهليه واقليميه وحتي عالميه
وطبعا بما اني وديعه ولساني القطه الصغننه عضته
ومبعرفش لما اتحط في اي موقف ارد
فانا بجهز اسلحتي من دلوقتي لحماتي المستقبليه
الي هيا طبعا من غير برضه
ما لسه تعرفني بتحضر نفسها لساحه المعركه
اولا انا قررت اني امشي علي سياسه الرسم علي تقيل
يعني هعاملها حلو اوي
بس وربنا لو ما اتلمت معايا وعاملتني كويس
لهخلي عيشتها روز علي فوشيا علي بمبي
وبمااني مدلعه هنا في بيت المحروس الوالد
فربنا يستر عليها بقي
امي كانت دايما تقولي انك تقولي هعمل
واعمل وفي الاخر تنزلي علي مفيش
وبما اني برضه مبعرفش اواجه
او ارد علي اي حد اكبر مني
قال ايه يعني بتكسف
فانا قررت ان باذني الله بدل مااوجع دماغي
بموضوع الحموات ده
اني اتجوز واحد مامته في رحمه الله
وياريت كمان بقي مش يكون عنده اخوات بنات
ماهوانا مش ناقصه والله
وياسلام بقي لو مكنش عنده اخوات صبيان
يااااااااه هعزه اوي
ماهو انا مش كل شويه ضغطي يعلي
من عمايل حماتي ولا اخوات جوزي
معلش والنبي سامحوني اصلي تحت تاثير
موقف بايخ حاصل لواحده قريبه مني
فملقتش مكان انفجر فيه غير مدونتي حبيبتي
ويارب الحق اتجوز في موسم انفلونزا الطيور
وانا اعزم حماتي كل يوم علي فراخ وبط
ولا اسفرها ايران تحتج
هناك علي الانتخابات وتستشهد
ولا حتي اوديها فلسطين
وتستشهد هناك واهي اسمها
تبقي عملت حاجه طيبه في حياتها
ولا حتي ليبيا اهي قريبه مش بعيده
المهم المهم يعني لمااتجوز باذن الله
وربنا ياذن انا مش عايزه أوجع دماغي
وربنا انا لما بزعل مبرحمش(ههههههههه وربنا انا كلام علي الفاضي)
البوست ده فكاهي مش اكتر عشان مفيش حد يقول
علي البنات ان هما مفتريين ولا حاجه
وربنا احنا غلابه
ثم انه مين ده اللى كل اللى يعرفهم ماتوا ده ؟؟
ده اكيد واحد ميت هو كمان:D
نصيحتى ان الانسان بيأسر قلوب الاخرين بالمعروف وده بيكون احسن من اى شر
وبرضه لازم تحطى احتمالات الهزيمة فى المعركة دى وساعتها مش هيبقى ضغط وسكر بس
ده هيبقى- بعيد الشر- حاجات اكبر بكتير
وافتكرى كلمة هنيدى:
ما بلااااااااااش ..افتكر انى قلتلك بلاااااااااش
تحياتى
استني اشوف كدا
بس يلا مش مهم
يابنتي انتي خايفه ليه كدا من حماتك
مهو ممكن بردوا تكون احسن من مامتك
اقولك حاجه
اتجوزرني وانا اضمن لك احسن حماة في الدنيا
ولا اقولك بلااااااش
علشان انا محجوز
بوست زي العسل زي اللي كاتباه
تقبلي مروري
و ان شاء الله حتتجوزى
قوليله اقتل مامتك
لو سمحت
هههههههه
:-)
بوست جميل و ظريف
متزعليش بقا لو ملقتيش حد بعد البوست ده قرب منك اصلهم يا ختشي بيحبوا امهم قبل الجواز اوي
فادهني بقا ومعجني واعمليلها الهوا دوكوا
لا حلو حلوه جدا التدوينة ديه دمتي في هناء وسعاده وربنا يكرمك با بابن الحلال المقطوع من شجرة
ههههههههههههه
بس على فكره بجد فى حموات زى الامهات بالظبط ربنا يرزقك ويرزق كل بنات المسلمين من الحماوات دى والتانين ربنا يهديهم او يهدهم زى ميحب يعمل فيهم:)
غلابه ايه بس انتي ودتيني ورا الشمس :)
بشويش ع الست لحسن تموت ف ايديك ونروح ف حديد حديد
وتبقي الحياة بلوبيف بلوبيف ههههه
بوست سكررر زيك بجد
هتحبيها ان شاء الله
مش تدعي ع حماتك عشان ممكن تكون اميره وطيبه وام تانيه ليكي
مش كل الحموات اشرار بجد والله
وخليكي غلبانه كده ههههههه
اعتقد انك بخفة دمك مش حتلاقي مشكله مع حماتك ابدا
ومدام خدتي ابنها وبتحبيه وبيحبك يبقى مفيشمشكله ابدا
هو لما يكون في حب بين الزوجين ما رح يعهانوا من مشكلة الحموات
لانهم بيتدخلوا او بيقدروا يتدخلوا لما تكون العلاقه مش طبيعيه بين الزوجين كل شي ممكن يحدث ..
اتمنى انك تلاقي ابن الحلال الي تحبيه ويحبك ومش مهم عنده ام وقد ايه ليه خوات
بالعكس يبقوا حاجه حلوه وعيله جميله
دمتي بكل الحب والخير
اشكرك جدا على زيارتك لمدونتى البسيطة ميرسى جدا
شوفى مدونتك من عناوين الموضوعات كده يبان انها حلوة حلوة يعنى فاسمحيلى اسلم عليكى النهاردة واقراها بعد حوالى اسبوع كده لظروف سعيدة هكتبها ع المدونة بتاعتى
يارب زيارتك يا ديالا متكونش الاخيرة
سلام اختى
عايزة تخلصى من حماتك من قبل حتى ما تشوفيها
انت عارفة بجد المشكلة فين ؟
ان الموروث الثقافى بتاعننا عن الموضوع بقى وحش
يعنى حتى لو الحماة كويسة هنشوفها وحشة نتيجة اللى بنشوفه فى الافلام
كل الحكاية اننا فى نظرالكبار عيال صغيرة و بيتصرفوا على الاساس ده معنا ..سوا ام او حماة او جدة .. و احنا بنشوفه تدخل فى حياتنا
عايزة رائى
الحل لما تتجوزى و تعمل حماتك حاجة فيكى .. فكرى لو مامتك مكانها و عملت ده معاكى او مع جوزك هيكون رد فعلك ايه .. هتلاقى نفسك تشوفى الموقف عاااادى جدا
و ربنا يرزقك بالزوج الصالح و الحماة الطيبة
تحياتى
ابقي قابليني
ههههه
تحياتي واول زيارة
مش اكتر متفهمونيش غلط
فطوبة على طوبة خلى العركة منصوبة
إذا كان الغلة تيجى قد التبن كانت الحما تحب مرات الابن
هيييييييييه
احنا جايين نهدى النفوس
وربنا يقدرنا على فعل الخير
يا الله كل دا ومن قبل ما تقع الفاس في الراس
ربنا معاك ويطلع ظنك غلط وتطلع حماتك انسانه محترمه وتتقي الله فيك وتحبك زي بنتها قولي آآآآمين
نصيحه اخويه لما تتخطبي ابقي اخفي البوست دا :)
ربنا يبارك لك ديالا فعلا والله احنا غلاااااااااابه ربنا يعينا ..
ايه الناس اللى بتقدر البلا قبل وقوعه دى
ما ممكن تاخدى واحد اهله كويسين
و لا لازم يعنى يكون مقطوع مش شجرة هه
لالالالالا شريرة انتى على فكرة
و كمان موتى العيلة كلها قبل حتى ماتشوفيه هههههههههههههههههههههه
لالالا مفترية مفترية يعنى
^_^
ان شاء الله ربنا يرزقك بالزوج الصالح
وتكون امه طيبة واخواته طيبيين
وأكيد مش كل الحماوات زي بعض بلاش تفكري
في الوحش فكري في الكويس وربنا هيكرمك
وان شاءالله نفرح بيكي قريب يا أجمل خفة دم
وبالتوفيق دايما
ومش حمل حركة واحدة من حركات الحماوات
بس يارب يا ستي حتى لو طلع ليه قرايب كتير
كلهم يحبوكي
ويكون هو طبعا بيحبك اكتر
بس من الواضح ان الشر موجود فى البنات اكتر
بس والله فيهم ناس طيبين انا بشوف الحواديت دى كتير مع قرايبى برده علشان كده انا شايفه الحل ان كل واحد يعيش بعيد عن التانى وكده هيفضوا حبايب
وربنا انتي شكلك طيبة وعلنياتك ربنا يسترها معاكي بس بطلي تحكمي قبل ما تشوفي ممكن ربنا يديكي زوج عاق لوالديه ..يبقي ربنا ابتلاكي بمصيبة ووقتها هتقولي ياريت كانت حماتي بتناكف معايا لأن بالطبع ولادك هيعاملوا باباهم بنفس المعاملة اللي كان بيعامل بيها مامته..مش كدة ولا ايه
تقبلي مروري وإحترامي لخفة دمك
ومبتأذوش حد
.........
...........
............
أمال لو بتأذوا وشرانيين كنتوا عملتوا إيه
.......
الله يكون فى عون الشباب
...........
......
بس بصراحه تدوينه ظريفه .
لا بوست فعلا فكاهي
ربنا يسهل وتلاقي ابن الحلال
اللي يكون كل اهله في رحمة الله
عشان تستفردي بيه
ههههههههههه
تحياتي ليكى
ده شكلها حماتك هي اللي حتبقى غلبانة
لا بجد الموضوع مهم بس حله سهل ( الطيبون للطيبات ) والعكس .. وده مش للعريس والعروسة بس .. ده كمان للأهل
بجد مدونة خفيفة ورائعة
ويبقى التواصل
واضح الغلبانه خالص انتى كمان شوية تمسكى شفورية ليها وتعلن انك ابراهيم الابيض يابنتى
ومين الشهيد دا اللى هيقرر ينهى حياة قصدى يبداء حياته مع العنف الكروى دا ههههههههه
لا بجد والله واضح من البوست فعلا انك ولله الحمد حد كويس جدا وفعلا يستاهل كل خير وربنا يارب ييسرلك كل خير ويقربه منك ويبعد عنك كل شر اللهم امين
بس عارفة والله وانا كان اخوكى شرحك يعنى الا انه فى حموات فعلا طيبين اوى اووووووووووووووى
يمكن انتى حكمتى على نموذج معين واخدتى الفكرة عنه وعلشان كدا مياله نحو اتجاه معين لكن بصورة مضحكة على العموم ان شاء الله ربنا هيرزقك بكل خير ان شاء الله اختى فى الشر والنضال الحمواتى دمتِ يارب بكل حب و ود وفى رعاية وحفظ الله دائمااااااا
بس انا عندى الحل البسيط
لو طلع له ام واخوات
سهله خالص
اخرها اكله حلوه
مع شويه سم فران
ويتوكلوا عاى الله
بلاش وجع قلب
خلى البيت يفضى والهوا يدخل
والدنيا بقت زحمه
تعرفى انا بستغرب جداا من معاملة الحماة مع زوة الابن
او العكس ليه بيعملوا بعض على انهم اعداء
ليه الحماة مش تعتبر زوجة ابنها زى بنتها والزوجه تعتبر الحماة زى امها ويعملوا بعض معامله حسنه
ويراعوا ربن فى معاملتهم مع بعض
لكن للاسف اللى انا شيفاه فى مجتمعنا عموما انهم فعلا اعداء وكانهم فى حرب
ربنا يهدى الجميع ويسعدهم
دمتى بخير
انا لاقيت اسمى مكتوب افتكرت حد بينادى عليا
لاقيت واحدة اتعدت من فرستى و اتفرست هيه كمان
هههههههههههههههههه
بس انتى يا اختى بتتفرسي قبل الهنا بسنة
يعنى متغاظة من الحموات و اخوات الزوج من قبل ما تتجوزي
اصبري على رزقك و انتى تشدى فى شعرك و تخبطي دماغك فى الحيط
هههههههههههههههههههههه
ربنا يرزقك بإنسان مقطوع من شجرة
هههههههههههههه
سلام
والبوست ده فكاهى جدا
بس أنت كده بتعطى لحماتك السلاح يعنى لو قرت فى يوم مدونتك لانك اكيد هتعرفى الزوج المستبلى عنوانها ولقت الموضوع ده أكيد هتقولك (كتبتى كده ليه يل بت)
وتبقى وقعتى فى مطب
أما عن كون النساء غلابة فهذا غير صحيح فهن مدبرات لحروب والدليل على كده إن الحمى مش راجل
تقبلى مرورى وتحياتى
ما فيه حماتتى ملاك
وربنا يقويكى على الحروب
بس إنتى محتاجة تحالف مع أمريكا
عشان عندها نووى .
-------------------------------
مع تحياتنا / حازم وهانى